Токму во таков момент, во Proxiad SEE, стана јасно дека импровизацијата има свој лимит. После 2021, предизвикот стана уште поочигледен: бројот на бироа, паркинг места и сали беше ограничен, додека начинот на работа веќе не беше класичен. Наместо сите да доаѓаат секој ден, секој имаше различен ритам, а без структура тоа брзо се претвораше во конфузија.

Во тие околности се појави идејата за Desk Buddy, не како продукт што треба да се продава, туку како решение што треба да функционира интерно. Намерата не беше да се воведе уште една алатка што луѓето ќе ја користат затоа што мораат, туку нешто што природно ќе стане дел од нивниот ден. Затоа и самиот концепт беше поставен многу едноставно, секој да може однапред да резервира каде ќе работи, кога ќе дојде и со кого ќе биде во канцеларија, без дополнителни компликации. Интеграцијата со Microsoft 365 дојде како логичен чекор, за да не се менуваат навиките, туку само да се надградат и поедностават.

Она што следеше беше интересно, затоа што ефектот не беше само оперативен. Да, организацијата стана полесна, исчезнаа непотребните пораки и ад-хок договори, а просторот почна да се користи многу поефикасно. Но уште поважно, се смени начинот на кој луѓето ја доживуваат канцеларијата. Наместо да доаѓаат „по навика“ или „затоа што така треба“, почнаа да планираат кога има смисла да бидат таму. Кога знаеш дека тимот ти е во канцеларија истиот ден, присуството добива вредност, а соработката станува поприродна.

Ова не е изолиран впечаток. Во разговори со компании од регионот кои се соочуваат со истите предизвици, често се слуша слична констатација – хибридниот модел функционира само кога има јасна, но ненаметлива структура. Еден од коментарите што останува највпечатлив доаѓа од корисник кој по имплементацијата на Desk Buddy забележал дека „разликата не е во тоа што луѓето резервираат бироа, туку што конечно знаат зошто доаѓаат во канцеларија“. Тоа е суптилна, но суштинска промена.

Конкретните резултати дополнително ја потврдуваат оваа слика, во тимови каде што претходно имаше нерамномерна искористеност на просторот – преполни денови и празни канцеларии, воведувањето на системот донесе баланс. Луѓето почнаа свесно да го планираат своето присуство, а компанијата доби реална основа за одлуки, наместо да се потпира на претпоставки. Тоа има и директен бизнис ефект, особено во време кога оптимизацијата на трошоци и простор станува сè поважна тема.

Можеби најсилниот сигнал дека решението е на вистински пат дојде од самите корисници. Net Promoter Score (NPS) од 100 не е нешто што се постигнува лесно, особено кога станува збор за интерна алатка. Тоа значи дека луѓето не само што ја прифатиле, туку ја препорачуваат, па што во ваков контекст е најрелевантната мерка за успех.

Денес Desk Buddy веќе не е само интерно решение, туку продукт што предизвикува интерес и кај други компании, вклучително и на македонскиот пазар. И тоа има смисла, затоа што предизвикот е ист: како да се задржи флексибилноста, а притоа да има ред, како да се искористи просторот паметно и како да се создаде работна средина во која присуството има вистинска вредност.

Ако има една лекција што произлегува од ова искуство, тоа е дека хибридниот модел не може да се остави сам на себе. Потребна е структура, но таква што нема да биде товар за луѓето, туку поддршка. Решение што нема да ги комплицира процесите, туку ќе ги направи речиси невидливи.

За компаниите што веќе го чувствуваат овој предизвик или се во фаза на трансформација, тимот  на Proxiad SEE нуди можност да видите како вакво решение може да изгледа во пракса или да добиете конкретна понуда.

Токму затоа на нашите вработени им овозможуваме бесплатен пристап до илјадници обуки на платформата за електронско учење Udemy, од технологија и вештачка интелигенција, до бизнис и личен развој.

Резултатите за 2025 година се импресивни:

-413 активни учесници;

-6.852 часови инвестирани во знаење;

-441% раст во однос на претходната година со особено голем интерес за обуки за ChatGPT и Excel.

Но бројките се само дел од приказната. Вистинската вредност е во љубопитноста што станува експертиза, дисциплината што станува рутина и знаењето што веднаш наоѓа примена во работата.

Со особена гордост ги претставуваме нашите тројца најуспешни учесници за 2025 година:

Елена Милошевска Петровска – Финансиски аналитичар во Евалуација и контрола;

Иван Паневски – Советник за човечки ресурси во Човечки ресурси и организација и

Мила Камчева – Правник во Правен консалтинг.

Кога инвестираме во знаење, инвестираме не само во себе, туку и во целиот тим. Заедничкиот раст, љубопитноста и дисциплината што ги покажуваат нашите колеги се нашата најголема победа.

Во осигурувањето најчесто се зборува за полиси, покритија и процедури. Но зад секоја полиса стојат луѓе — професионалци кои секојдневно работат клиентите да се чувствуваат сигурно и поддржано.

По повод Месецот на жената, Халк Осигурување ја реализира кампањата „Таа зад полисата“, иницијатива посветена на жените вработени во компанијата кои со својата експертиза, одговорност и човечки пристап ја градат довербата што осигурувањето ја носи.

Кампањата се реализира преку серија кратки видеа кои се објавуваат на дигиталните канали на компанијата, прикажувајќи колешки од различни сектори — продажба, прием и ликвидација на штети, финансии, контакт центар и корпоративни функции. Преку нивните приказни, јавноста има можност да погледне зад процесите и да ги запознае луѓето кои стојат зад секој договор, секоја решена штета и секое позитивно клиентско искуство.

Со оваа кампања, Халк Осигурување испраќа јасна порака дека осигурувањето не е само услуга, туку тим од професионалци кои секојдневно создаваат сигурност и доверба.

„Таа зад полисата“ претставува и дел од Employer Branding стратегијата на компанијата, преку која се истакнува корпоративната култура базирана на професионалност, еднакви можности и меѓусебна поддршка. Кампањата има за цел да ја доближи работната средина до јавноста и да покаже дека успехот на компанијат а се темели на луѓето кои ја градат одвнатре.

Халк Осигурување функционира во мултиетничко и динамично општество, каде различноста и инклузивноста се препознаваат како вистинска вредност. Компанијата активно вложува во средина во која секој вработен има можност да се развива, да придонесува и да биде слушнат.

Според интерните податоци на компанијата:

• 64 % од вкупниот број вработени се жени
• 66%  од раководните позиции ги извршуваат жени
• 58 % од новите вработувања во изминатата година се жени
• Компанијата одржува принцип на еднакви можности и еднаква плата за еднаква работа

Овие показатели ја потврдуваат определбата на Халк Осигурување кон градење инклузивна и балансирана работна средина, каде професионалниот развој се темели на знаење, посветеност и резултати.

Со кампањата „Таа зад полисата“, компанијата го насочува вниманието кон човечката страна на осигурувањето — луѓето кои секојдневно стојат зад сигурноста на клиентите.

Овој март, Халк Осигурување ја слави жената зад сигурноста.
Затоа што зад секоја полиса — стои човек.

Како компаниите што работат во повеќе држави можат ефикасно да управуваат со своите вработени, а притоа да ги почитуваат различните законски рамки, локални практики и оперативни специфики?

Со растот на меѓународното работење, ова прашање станува сè поактуелно за многу организации. Компаниите денес често функционираат во повеќе земји истовремено, што значи дека HR тимовите мора да управуваат со различни законски регулативи, различни системи за плати, различни културни очекувања и организациски структури.

Во таква средина, од HR одделите се очекува да обезбедат конзистентност, транспарентност и контрола, без разлика каде се наоѓаат тимовите.

Токму на оваа тема, компанијата FledgeWorks организира бесплатен онлајн вебинар насловен:

„Implementing an HRM System for a Multi-Country Company“

Вебинарот ќе се одржи на 12 март 2026 година во 11:00 часот (CET) преку платформата Microsoft Teams и е наменет за HR професионалци, менаџери и лидери кои сакаат подобро да ги разберат предизвиците и можностите на управување со човечки ресурси во меѓународни компании.

Кога HR мора да функционира на повеќе пазари одеднаш

Работењето во повеќе земји носи бројни предизвици за HR тимовите.

Секоја држава има свои законски барања, процедури и регулативи поврзани со вработување, договори, работно време и бенефиции. Дополнително, организациите мора да управуваат со различни типови договори, локални правила за плати и различни очекувања од страна на вработените.

Во ваква ситуација, рачно управување со процесите или користење на повеќе неповрзани системи може да доведе до грешки, неусогласеност и недостиг на јасна слика за состојбата во организацијата.

Затоа, сè повеќе компании се свртуваат кон единствен HR систем кој овозможува централизирано управување со податоците и процесите, додека истовремено ги почитува локалните специфики на секој пазар.

Што ќе научат учесниците на вебинарот

За време на вебинарот, експертите од областа на HR стратегија и HR технологија ќе споделат практични искуства и примери од реални организации.

Меѓу темите кои ќе бидат опфатени се:

• кои се најголемите предизвици при управување со HR во повеќе земји
• зошто е важен единствен HR систем за модерните компании
• како се балансира глобалната стандардизација со локалните законски барања
• реален пример од компанија која успешно имплементирала HR систем
• демонстрација на платформата и сесија со прашања и одговори

Целта на вебинарот е да покаже како технологијата може да им помогне на HR тимовите да ги поедностават процесите, да добијат подобра видливост во податоците и да донесуваат поинформирани одлуки.

Експерти од HR и бизнис заедницата

На вебинарот ќе учествуваат експерти со долгогодишно искуство во HR трансформација, HR технологија и управување со луѓе.

Говорници на настанот се:

Franja Ridzi, CEO на FledgeWorks, со долгогодишно искуство во бизнис стратегија, менаџмент и SaaS решенија.

Jasmina Ridzi, HR Transformation Consultant во FledgeWorks, која работи на развој на HR стратегии и модели за управување со талент, лидерство и организациски развој.

Lovro Ulaga, Head of Sales во FledgeWorks, кој соработува со компании од различни индустрии и им помага да ги модернизираат и дигитализираат своите HR процеси.

Како гостин говорник ќе се приклучи и Sanja Kovač, Head of People Operations во компанијата Pirnar d.o.o., која ќе сподели практични искуства од управување со HR процеси и нивна дигитализација во меѓународна организација.

Бесплатна регистрација

Вебинарот е бесплатен и отворен за сите заинтересирани професионалци кои сакаат да добијат практични увидувања за управување со HR во компании што работат на повеќе пазари.

Пријавувањето е достапно на следниот линк:

https://events.teams.microsoft.com/event/563c7956-91f2-45e9-9045-73a88c3715a4@d8ffd2dd-b80f-4cc8-8e25-c9384aa162d0

Со сè поголемата интернационализација на бизнисите, способноста за ефикасно управување со човечките ресурси во повеќе земји станува клучна конкурентска предност. Вебинарот на FledgeWorks нуди можност компаниите да добијат практични насоки како да го поедностават овој процес и да изградат поефикасни HR системи.

Како дел од својата општествено одговорна кампања „Крени глас против врсничкото насилство“, „Макпетрол“ издаде нов прирачник за препознавање и справување со врсничкото насилство, наменет за едукација и поддршка на децата, родителите и наставниот кадар. Во соработка со Министерството за образование и наука, овој документ ќе биде доставен до основните училишта во земјава. Материјалот е изработен од стручно лице, психологот Деспина Стојановска, која што ги предводеше едукативните работилници со учениците. Во повеќе од 150 основни училишта во 26 општини кои што се приклучија на кампањата на „Макпетрол“ се одржаа 620 работилници на кои присуствуваа над 18,000 ученици.

– Проблемот со врсничкото насилство во нашето општество, а и во светот, е сериозен и пристапот кон решавање на истиот треба да биде долгорочен. Токму затоа, како дел од кампањата на „Макпетрол“, „Крени глас против врсничко насилство“, од страна на психологот Деспина Стојановска е направен овој прирачник. „Макпетрол“ е компанија која кон секој сегмент од своето работење пристапува долгорочно, па така и кон оваа општествено-одговорна кампања. Во целост, вклучувајќи го и прирачникот, оваа кампања остави печат и постави нови стандарди во општеството за тоа што значи да се биде општествено одговорен. Ми претставува особена чест и задоволство што Министерството за образование го препозна овој успех и што денес одбележуваме почеток на заедничка соработка. Нашата надеж е дека овој прирачник ќе биде успешно искористен во училиштата и ќе обезбеди дополнителна поддршка при развојот на учениците – изјави Марија Јосифовска-Спасовска, Главен оперативен директор на „Макпетрол“.

Како психолог кој што директно разговараше со учениците во текот на работилниците, Деспина Стојановска имаше увид за тоа каква е нивната меѓусебна комуникација, какви се односите и какви се размислувањата, не само во поглед на булингот, но и за низа други прашања. Врз основа на тоа практично искуство таа и го напиша прирачникот.

Прирачникот на „Макпетрол“ е објавен преку издавачката куќа „Арс Ламина“. Материјалот ги помина сите процеси на одобрување од Бирото за образование, како и од Министерството за образование и наука, кое што ја поддржа оваа активност на македонската компанија. Освен на македонски, прирачникот е објавен и на албански, турски, српски и на босански јазик.

– Поводот за денешната средба е исклучително успешната кампања која „Макпетрол“ ја водеше против врсничкото насилство. Би сакала да се заблагодарам за оваа кампања и за крајниот производ, а тој е прирачник против врсничко насилство, кој во соработка со МОН ќе биде дистрибуиран во училиштата. Им благодарам особено многу на раководните структури за нивната општествена одговорност, затоа што на Министерството му е полесно да се справува со предизвиците кога има што е можно повеќе партнери во борбата против негативностите кои се јавуваат во општеството. Како што сум информирана, спроведени се околу 620 работилници, во кои учествувале над 18,000 ученици и над 3,000 родители, што е од исклучителна важност за нашето општество, односно за младите луѓе кои утре ќе го водат општеството. Оттука ги повикувам и другите компании кои се во можност да покажат општествена одговорност. Министерството е отворено за соработка – истакна Министерката за образование и наука, Весна Јаневска.

Кампањата „Крени глас против врсничко насилство“ изминативе две години значително го зголеми интересот на јавноста за овој сериозен проблем. Освен за ученици, беа организирани 17 работилници што ги посетија повеќе од 3,000 родители, се одржаа два големи отворени настани, а интернет-страницата kreniglas.mk и натаму функционира како платформа што содржи информации за подобро разбирање на проблемот со булингот. На оваа тема беа испечатени и доставени и едукативни материјали во над 10,000 примероци.

Општествената одговорност, со особен фокус на децата и на младите генерации, и во иднина ќе биде една од најзначајните стратешки цели на „Макпетрол“.

Халк Осигурување продолжува да ја потврдува својата посветеност кон вработените преку конкретни и видливи активности, со обновувањето на Доброволното приватно здравствено осигурување (ДПЗО) петта година по ред. Компанијата целосно го финансира ова осигурување, покривајќи ги сите вработени и со тоа дополнително ја зацврстува културата на грижа, сигурност и поддршка за својот тим.

Од 2026 година, полисата е проширена и ги вклучува и децата на вработените. Овој значаен чекор ја зајакнува поддршката за семејствата на вработените и ја рефлектира визијата на компанијата за заштита и мотивација на своите вработени.

Покрај здравственото осигурување, компанијата воведува и осигурување од незгода, како и осигурување на смрт од болест, кои за прв пат се нудат оваа година и дополнително ја зголемуваат сигурноста на вработените и нивните семејства. Сите нови бенефити се целосно покриени од компанијата, демонстрирајќи јасна и континуирана грижа за благосостојбата на тимот.

Дополнително, продолжуваат практиките кои ја збогатуваат работната средина:

• Слободен ден за роденден
• Вредносни ваучери за роденден
• Корпоративни подароци за посебни прилики
• Континуирани програми за обука и професионален развој

Политиката за постојана евалуација, редовните зголемувања на платите, транспарентниот и структуриран систем за унапредување, како и постојано унапредуваниот пакет бенефити, ја покажуваат севкупната стратегија на Халк Осигурување во управувањето со човечки ресурси. Таа го поддржува развојот на вработените, промовира стабилност и ја зајакнува долгорочната мотивација.

Пристапот на Халк Осигурување е јасна потврда на постветеноста за создавање стабилна, доверлива и инспиративна работна средина, каде резултатите се вреднуваат, трудот се признава, а благосостојбата на вработените и нивните семејства е вистински приоритет.

Во продолжение ви претставуваме преглед на чекорите и придобивките што ги носи имплементацијата на HRM платформа, како и совети како целиот процес да помине непречено.

Податоците што веќе ги имате

Секоја имплементација започнува со податоци. Тие се основата на секој HR систем и појдовна точка за понатамошна работа. Без квалитетни податоци, ниту еден систем, колку и да е напреден, нема да може да ја даде својата целосна вредност. Затоа, првиот чекор при воведување на HRM платформа е можност да се застане, да се направи кратка ретроспектива и да се потврди дека податоците што се внесуваат навистина ја отсликуваат реалноста на вашата организација. Самата одлука да воведете HRM платформа е вредна можност да:

• ги прегледате информациите што ги поседувате,
• ја проверите нивната точност,
• ги ажурирате,
• ги дополните доколку нешто недостасува.

Нашиот тим ве води низ овој процес, така што ниту еден важен податок нема да остане заборавен. На крајот, добивате систем што навистина ја отсликува вашата организација – ажуриран, целосен и подготвен да работи за вас.

Практичен пример: Доколку имате Excel фајлови со податоци за вработените што се водат со години, многу е веројатно дека податоците не се усогласени – еден документ има точни адреси, друг не. Имплементацијата е идеален момент сè да се обедини, исчисти и стандардизира. Резултатот не е само функционален систем, туку и квалитетна база на податоци што може да послужи за анализи, планирање и донесување одлуки.

Полесен почеток со шаблони и автоматизација

Кога податоците се подготвени, следи нивниот внес во системот. Ова може да изгледа како технички предизвик, но со едноставни шаблони процесот станува брз и прецизен.

Автоматизираниот внес на податоци:

• значително ја намалува потребата од рачно внесување,
• го забрзува процесот на имплементација,
• го намалува просторот за грешки.

Ова е особено важно за HR тимовите кои веќе се преоптоварени со оперативни задачи. Целта е да ве растовариме и да ви овозможиме да се фокусирате на луѓето, а не на табелите.

Пример од пракса: Една компанија со околу 500 вработени успеа за само 4 месеци да ги исчисти податоците за вработените, да подготви шаблони за внес на податоци и потоа да започне со користење на CoreHR модулот на FledgeWorks HRM платформата. На тој начин, HR тимот доби нова енергија, а наместо работа со бескрајни табели, фокусот се стави на развојот и поддршката на вработените.

Тимска работа и јасен план: состаноци за следење на напредокот

Имплементацијата на HRM платформа не е процес „постави и заборави“. За системот навистина да заживее во пракса, потребни се јасна комуникација и континуирано следење. Затоа организираме редовни проектни состаноци со клиентите.

На тие состаноци:

• го следиме напредокот на проектот,
• ги разгледуваме специфичните потреби на вашата организација,
• ги усогласуваме процесите и функционалностите,
• постепено ги обучуваме административните корисници за самостојно користење на системот.

Ваквиот пристап спречува HRM платформата да стане „уште еден софтвер“ што никој не го користи. Наместо тоа, таа станува алатка што тимовите со задоволство ја користат, затоа што реално им ја олеснува работата.

Дополнителна придобивка: Преку овие состаноци често се идентификуваат и дополнителни потреби на компанијата, како евиденција на сертификати, управување со работното време или интеграција со пресметка на плати, кои лесно се вклучуваат во проектот.

Едукација и оспособување на корисниците

Еден од најважните сегменти на имплементацијата е обуката. Не е доволно само да се постави системот и да им се предаде на корисниците. Клучно е тие да разберат како функционира и како може да им ја олесни работата.

Организираме обуки за HR администраторите, додека за менаџерите на тимови и вработените кои ќе ги користат self-service функционалностите (на пример, барање за одмор) подготвуваме PDF и видео упатства.

На овој начин, платформата не останува „мистерија“ резервирана за IT, туку станува алатка во рацете на сите вработени. Тие брзо ги согледуваат придобивките – од побрз процес на поднесување барања, преку транспарентно следење на состојбата со одморите, до намалување на документацијата и времето на чекање.

Кога луѓето се чувствуваат оспособени и кога гледаат дека системот им заштедува време, подготвени се да го користат и да го поддржат неговиот понатамошен развој.

Типични пречки и како да се надминат

Како и секој проект, така и имплементацијата на HRM платформа може да се соочи со предизвици. Најчести се:

• Недостаток на време кај HR тимот – решението е фазна имплементација и максимална автоматизација.
• Отпор кај вработените кон промените – обуката и јасното комуницирање на бенефитите го намалуваат отпорот.
• Недостаток на поддршка од менаџментот – важно е лидерите активно да го поддржат проектот, бидејќи станува збор за организациска промена, а не само техничка.
• Различни податоци во различни документи – процесот на чистење и стандардизација на податоците го решава овој проблем.

Секој предизвик е решлив кога постои јасен план и поддршка од тимот. Токму тука доаѓа до израз искуството на имплементаторите – тие знаат како да ги препознаат потенцијалните ризици и да ги спречат уште пред да станат проблем.

Тука сме за вас – на секој чекор

Од првиот ден на имплементацијата, па и долго по нејзиното завршување, нашиот тим на имплементатори, HR консултант и техничка поддршка ви стојат на располагање. Без разлика дали имате прашање поврзано со функционалностите или сакате совет за следниот чекор – ќе добиете брз и конкретен одговор

Важно е да се нагласи: имплементацијата не завршува со последниот ден од проектот. Дури кога тимовите ќе почнат да ја користат HRM платформата во секојдневната работа, се појавуваат дополнителни прашања и потреби. Затоа поддршката е клучна.

Нашата цел не е само да „инсталираме“ систем, туку да обезбедиме тој да стане дел од вашето секојдневие и навистина да донесе резултати.

Што добивате по имплементацијата?

Кога процесот успешно ќе заврши, придобивките се видливи уште од првиот месец:

• побрзи и попрецизни процеси,
• помалку администрација и рачен внес,
• подобра аналитика и увид во податоците,
• задоволство кај HR тимот бидејќи има повеќе време за стратешки иницијативи,
• подобра соработка меѓу HR, менаџерите и вработените.

На долгорочен период, HRM платформата придонесува кон модернизација на целокупното работење и кон создавање организација подготвена за иднината, каде што транспарентноста, брзината и доверливоста стануваат нова норма.

Заклучок: имплементацијата како стратешки потег

Имплементацијата на HRM платформа не мора да биде стресна и комплицирана. Со правилен пристап, таа станува важен стратешки чекор кон помодерен, поефикасен и поагилен HR.

Секоја компанија има свои специфики, но заедничкиот именител е секогаш ист – кога ќе се намали административниот товар, се отвора простор за суштината на HR: луѓето, нивното задоволство и нивниот развој.

Доколку размислувате за следниот чекор, тука сме да го направиме заедно.

Резервирајте бесплатна демо презентација и уверете се како FledgeWorks HRM платформата може да го унапреди вашиот тим и процесите.

_________________________________________________________________________________

За авторот:

Коста Лазички е Country Director во FledgeWorks Serbia, со долгогодишно искуство во дигитална трансформација на HR процеси и имплементација на FledgeWorks HRM платформата. Работи со компании од различни индустрии, помагајќи им да ги унапредат HR практиките, да ја намалат администрацијата и да изградат поефикасни и поодржливи организации.

👉 Резервирајте FledgeWorks демо презентација тука

Кристијан Василевски е наш колега и раководител на Експозитурата Ѓорче Петров, со девет години работно искуство во НЛБ Банка АД Скопје. Неговата посветеност, професионалност и лидерски способности секојдневно се одразуваат во резултатите што ги постигнува со својот тим.

Освен во банкарството, Кристијан е истакнат и на спортската сцена. Toj од најмали години активно се занимава со ракомет. Својата кариера ја гради преку клубовите Бутел Скопје, Вардар, Тинекс Пролет, Работнички и Преспа. Како дел од РК Бутел Скопје, Кристијан настапи и на европската ракометна сцена, и тоа во EHF Cup во сезоната 2019/20 и во EHF European League во сезоните 2020/21 и 2022/23.

Како пивот и централен дел од одбраната, тој ја потврдува својата дисциплина, посветеност и висок квалитет во играта.

Меѓу неговите најзначајни спортски успеси се шампионската титула во младинска категорија со РК Вардар и седумте настапи за младинската репрезентација на Македонија. Во 2021 година, Кристијан беше избран за најдобар ракометар на четвртото коло во Супер машката лига. Со ова, тој се позиционираше пред големи имиња од светската ракометна сцена и се вброи меѓу најистакнатите ракометари во таа сезона.

Кристијан е лиценциран ракометен тренер со трета категорија, со искуство како тренер на пионерската екипа и помошник тренер во првиот тим на РК Бутел. Неговиот план е да се стекне со реномираната европска лиценца Master Coach. Го истакнуваме како пример за професионалец кој успешно ги спојува дисциплината и тимската работа, како во спортот, така и во професионалниот живот.

Халк Осигурување им овозможува на корисниците едноставен, брз и сигурен начин да купат патничко осигурување онлајн, за само неколку секунди, со полиса која веднаш пристигнува на е-пошта. Полисата може да се купи дури и пред самиот лет, што го прави процесот исклучително практичен и достапен за секој патник.

Патничкото осигурување на Халк Осигурување нуди сеопфатна заштита од најчестите и најнеочекуваните ситуации што може да се случат во странство, меѓу кои:

• Изненадни болести и повреди кои бараат итен медицински третман
• Медицински интервенции и хоспитализација што можат да бидат огромен финансиски товар доколку немате осигурување
• Изгубен, оштетен или задоцнет багаж, чест проблем во периоди на голем патнички метеж
• Одложени или откажани летови, кои го нарушуваат планираниот тек на патувањето
• Помош во итни ситуации кога најмногу е потребна брза и професионална поддршка

Патничкото осигурување не е само дополнителна услуга – тоа е практична и неопходна заштита за секој кој патува, без разлика дали станува збор за кратко викенд патување или подолг одмор. Во ситуации кога здравјето, плановите и финансиската стабилност може да бидат загрозени, полисата на Халк Осигурување обезбедува мир, стабилност и сигурност.

Со дигиталните можности што ги нуди компанијата, секој корисник може да купи осигурување лесно и без потреба од физичко присуство, со што се добива и дополнителна флексибилност – особено во моменти кога планирањето се случува „во последен момент“.

Во новата 2026 година патувајте смирено и безгрижно со предностите и поволностите што ги нуди патничкото осигурување на Халк Осигурување и добијте доверлива заштита која ја следи динамиката на современиот патник и нуди поддршка секогаш кога е потребна.

ПР Објава

Во современиот финансиски сектор, каде што довербата и одговорното работење стануваат клучни фактори за долгорочен успех, М КЕШ се издвојува како компанија што ја става човечката вредност во центарот на секоја одлука. Наместо фокус исклучиво на бројки и резултати, компанијата гради односи засновани на почит, емпатија и одговорно лидерство.

Токму оваа филозофија е силно истакната и во интервјуто на Бјанка Катру, заменик генерален директор на М КЕШ, за магазинот Убавина и здравје, каде што таа ја споделува својата визија за модерно лидерство и корпоративна култура.

„Знаењето дава моќ, но однесувањето создава почит“

„Знаењето дава моќ, но однесувањето создава почит“ – оваа порака ја дефинира филозофијата според која функционира М КЕШ. Во компанијата веруваат дека вистинската професионалност не се мери само преку финансиски резултати, туку и преку начинот на кој се однесуваме кон вработените, клиентите и заедницата.

Човечкиот однос е составен дел од секојдневното работење на М КЕШ – од интерната комуникација до пристапот кон клиентите. Наместо строга хиерархија, компанијата негува култура на соработка, доверба и отворен дијалог, каде што лидерството се мери преку одговорност, емпатија и личен пример.

Посебен акцент се става и на родовата еднаквост и поддршката на жените, што е видливо и преку фактот дека најголемиот дел од тимот го сочинуваат жени на различни позиции.

Овој пристап создава мотивирани тимови и инклузивна, поддржувачка работна средина, во која вработените со поголема посветеност и разбирање им пристапуваат на клиентите и нивните реални потреби, градејќи стабилни и долгорочни односи засновани на доверба.

Финансиски услуги со човечко лице

М КЕШ континуирано работи на тоа финансиските решенија да бидат достапни, разбирливи и одговорни, без да се изгуби човечката димензија. Клиентите не се третираат како бројки, туку како поединци со конкретни животни ситуации, планови и предизвици.

Филозофијата на Бјанка Катру јасно ја отсликува насоката во која се движи М КЕШ и неговото позиционирање како бренд што гради доверба на долг рок и покажува дека финансиските услуги можат да бидат професионални, одговорни и човечки во исто време. Оваа насока јасно ја потврдува пораката дека успешното лидерство започнува со однесување што создава почит.

Прочитајте го целото интервју тука: БЈАНКА КАТРУ: „Знаењето дава моќ, но однесувањето создава почит“ – Убавина и здравје