Интервју со Ана Умерова, Менаџер за човечки ресурси во ТАВ Македонија, со повеќе од 20-годишно искуство во областа на стратегиско управување со човечки ресурси, талент менаџмент, развој и задржување на вработени, дигитална трансформација во HR, како и развој на врвен менаџмент.

Прво нешто што ќе забележите кога зборувате со луѓе што работат во авијација е љубовта и пасијата со која што зборуваат за индустријата и за својата работа. Тоа не е само обична работа, туку професија која носи гордост, посветеност и идентификација со фелата.

Воздухопловството ги поврзува луѓето, културите и бизнисите низ секој континент. Создава економски раст, ја олеснува меѓународната трговија и го промовира туризмот. Авијацијата е многу привлечна и возбудлива област која бара континуирано учење, усовршување на знаењето, специфични вештини и посветеност кон следење на правилата со цел овозможување безбедно и пријатно искуство за патниците. Авијацијата е индустрија која никогаш не спие.

Токму поради ова разговаравме со Ана Умерова, Менаџерот за човечки ресурси на ТАВ Македонија, аеродромскиот оперстор во Македонија за тоа што е потребно да за да се работи на аеродромот и кои се предизвиците со кои се соочуваат пост Ковид со цел задржување на вработените.

1. Како би ја споредила оваа индустрија со останатите на пазарот?

Авијацијата е нешто посебно и уникатно, асоцира на патување, нови дестинации и возбудата од летањето над облаците. Неспоредлива е. Ние, како дел од ТАВ Аеродоми, оперираме на 15 аеродроми во 8 земји, од кои со двата аеродроми во Македонија. Луѓето кои работат во оваа индустрија имаат огромна пасија, ентузијазам и љубов кон индустријата. Претходно работев во друга индустрија, телекомуникации, која исто така е многу привлечна и иновациски напредна и најголемата разлика која ја забележав беше тоа што оваа индустрија е многу строго регулирана бидејќи човечки животи се во прашање, слично како во медицната и фармацијата. Безбедноста е на прво место и сите работиме кон таа цел, од прв до последен во компанијата.

2. Како се справивте со силниот удар на Ковид 19 на вашата индустрија?

Кога кризата COVID-19 го погоди воздушниот транспорт, целата авијациска индустрија беше погодена. Нашиот сектор беше еден од трите најпогодени. Најголема пречка за авионските патувања, не беше промената во однесувањето на патниците, туку ограничувањата за патување со авион кои ни беа наметнати како аеродроми поради КОВИД-19.

Македонските аеродроми се соочија со особено ригорозни барања за најразлични документи за патување во земјите на ЕУ, каде што е сконцентриран над 75% од македоскиот авиосообраќај. Како што се креваа бариерите за патување за имателите на македонски пасоши поврзани со ковид-19, така почна и закрепнувањето на воздушниот сообраќај во вториот квартал од 2022 година.

Оваа 2023 година е година на целосно закрепнување на македонскиот авиосообраќај.  Статистиката покажува дека врвот го имавме во 2019 година со речиси 2,7 милиони патници, потоа несреќниот остар пад поради здравствената криза и ограничувањата за патување, а сега во 2023 година, кога до средината на декември надминавме 3 милиони патници на двата аеродроми можеме да кажеме дека повторно се враќаме назад и успеавме дури и да ја надминеме 2019 година со 20%.

Навистина умешно се справивме преку целиот овој тежок период, со добра организација и стратешки чекори во работењето, со помош на нашата матична компанија –  групацијата ТАВ Аеродроми. Аеродромите се трудоинтензивна дејност и оттука се погриживме да ги зачуваме сите вработени и за разлика од големите светски аеродроми многу брзо и флексибилно се вративме на истото динамично темпо штом ни се вратија зголемените аеродромски операции.    

3. Која е улогата на одделот за ЧР во вашата компанија?

Ние сме тука за нашите колеги и за менаџментот кој ја води компанијата. Мисијата на одделот за ЧР е секојдневно се повеќе да соработува директно со бизнисот и колегите и да биде нивен партнер кој им помага успешно да ги навигираат процесите поврзани со луѓето. Едноствавно, од една страна имаме многу стратешка, но и многу практична улога во компанијата. Целосно поветени кон луѓето, од креирање на стратегијата за ЧР до воведување на нови и подри процеси, како и разрешување на секојдневните проблеми и предизвици на колегите.

Пост ковид ерата бара од нас да бидеме проактивни во имплементација на иницијативи и програми кои ги ставаат луѓето во центарот. Може да се пофалиме бидејќи 2023 год. иако имаше многу предизвици, забележавме и многу успеси и може да бидеме задоволни поради имплементирање на низа активности, како на примери, инцијативни за подобрување на условите за работа на вработените, зголемување на можностите за интерен кариерен пат и промоции, можности за учење и градење на вештините преку безброј обуки и коулинг, истражување на задоволството на вработените со акционен план на активности за подбрување, воведување на нова програма за признание на вработените „Play it Forward”, како и нова програма за бенефиции и онбординг на вработените.

И не застануваме тука, 2024 год. ќе продолжиме да работиме и воведуваме новини.

4. Кои се предизвиците со кои се соочувате?

Ова е многу интересно и предизвикувачко време да работите ЧР. Тоа што важело пред 10-ина години, па дури и пред 5 години целосно е променето. Сега вработените се главни и најважни за успехот на компанијата. Во нашата индустрија потребни се многу години, учење и искуство за да станеш експерт во дејноста затоа задржувањето на вработените ни е пририритет број 1. Големите предизици ни оставаат простор за да бидеме креативни и да бараме нови решенија за потребите на бизнисот. Како ЧР професионалци мораме да бидеме “front-runners” во организацијата за воведување промени и учење.

5. Што би им препорачале на потенцијалните кандидати кои би биле заинтересирани за работа во ТАВ Македонија?

Ние сме уникатни, оваа индустрија е уникатна и искуството за вработените што го нудиме е уникатно. Има посебна магија да работите на аеродром која не може да ја најдете во нинту една друга компанија.

Ако имате пасија за учење нови работи, сакате да работите со предизвици и да воведувате промени во средината… тогаш ве очекуваме да станете дел од нашиот ТАВ Македонија тим.

Прочитајте ја приказната за љубовта кон човечките ресурси со м-р Лидија Таскова-Попова- генерален менаџер и еден од основачите на ЕСП – Развој и управување на човечки ресурси ДОО, Скопје.

Покрај тоа што во ЕСП е одговорна на целокупниот раст и развој на фирмата, Лидија е обучувач и коуч за личен и професионален развој веќе повеќе од 20 години. 

Има завршено студии по технологија на информатички системи на Универзитетот „Лондон Гилдхол“ во Лондон. Магистрирала на „Шефилд“ во Солун од областа на менаџмент. Лиценциран обучувач на возрасни и обучувач на обучувачи од Биро за развој на образованието на Република Македонија. Сертифициран NLP Мастер Практичар; NLP капитал коуч; и PCM (Process Communication Model) коуч; Коуч за тимови со високи перформанси; Системска динамика –  семејна и деловна (Systemic Dynamics Work Method Program); Фасилитатор за Деловни Системски констелации; Деловна дијагностика. Лидија е и претседател на здружението МАКС за квалитет во настава. Во текот на нејзиното работно искуство како тренер и коуч има успешно организирано и реализирано бројни проекти, обуки и коучинг сесии поврзани со личен и професионален развој во Македонија и на Косово. Автор е на бројни успешни програми за тренинзи, работилници и обуки https://www.esp.com.mk/obuki-za-lichen-i-profesionalen-razvoj .

Што ве натера да се вљубите во HR како професија?

Отсекогаш сум билa длабоко фасциниранa од сложената динамика на фирмите/компаниите, како и од нивните технолошки иновации и креации со кои што растат и се развиваат. Сепак, она што навистина ме плени и ја разгоре љубовта за областа на човечки ресурси е длабокото сознание дека зад секоја револуционерна идеја и технолошка иновација, постојат луѓе кои ги трансформираат овие концепти во опипливи реалности. Во суштина, луѓето се срцето на секоја организација, а нивните колективни напори се тие што го придвижуваат бизнисот кон раст и развој.

За мене, HR е мостот што ги поврзува визионерски идеи со поединците кои можат да ги оживеат. Тоа вклучува разбирање на специфичните барања и потреби на одреден бизнис, утврдување на потребните таленти и експертиза, а потоа изготвување стратегија за привлекување, задржување и развој на поединци кои можат да придонесат кон успехот на бизнисот. Овој процес би го нарекла –  креативен потфат.

Професијата на управување со човечките ресурси не е само усогласување на вештините со описот на работните места; се работи за препознавање на способностите кај вработените и помагање да го достигнат својот целосен потенцијал во организацијата. Овој предизвик на усогласување на човечкиот потенцијал со деловните цели, а истовремено поттикнувајќи култура на раст и соработка, е она што ме натера да се вљубам во HR. Тоа е поле кое постојано се развива, каде што секој ден носи нови можности за подобрување и усовршување, како на индивидуално така и на колективно ниво. И тоа, според мене, е суштината на човечките ресурси – уметноста да се искористи човечкиот потенцијал за раст, развој и успех на бизнисот, а воедно да се постигне и раст, развој и успех на вработениот.

Имате долгогодишно искуство во оваа област од каде почнавте и како изгледаше вашата кариерна патека?

Мојот кариерен пат од оваа перспектива е многу логичен и последователен за комплетната слика за деловното работење и мојата сегашна професионална посветеност. Завршив факултет во Лондон за компјутерска технологија и информациски системи – дизајн и имплементација. За да се имплементира информациски систем во една фирма потребно е да се знаат и разбираат процесите во истата. Се разбира, за сето тоа да функционира, потребни се луѓе. Магистрирав на Шефилд од областа на менаџмент. Однесувањето на луѓето во однос на други луѓе и целата психологија во позадина е од исклучителна важност за непречено тимско работење. Продолжив со обуки и академии од областа на психологија како што се НЛП Мастер, Коучинг (Тимви со високи перформанси), Комуникациски модели (PCM), Системски динамики и меѓучовечки односи; Сертифициран обучувач на возразни и обучувач на обучувачи, и многу други. Сè ова за да се дојде до суштината – човечките ресурси и нивната важност за опстанокот, растот и развојот на кој било бизнис.

Веќе 23 години сум основач и со-сопственик на бизнис фокусиран на човечки ресурси – личен и професионален раст и развој. Регрутација, селекција и надградба согласно со потребите не само на процесите во фирмата, туку и со потребите на вработените е процесот кој е од огромна важност за успехот и напредокот на бизнисот.  

Сите овие години имав привилегија да развивам и да управувам со тимови со високи перформанси во рамките на мојот сопствен бизнис. Споделувањето искуства, знаење и начини на реализација е мојот водич за раст и развој не само на тимот во мојата фирма, туку и за раст и развој на вработени од други фирми, институции и компании. Ме исполнува тоа што ги пренесувам моите искуства, знаења и вештини од областа на „меки вештини“ преку презентации, обуки, работилници и коучинг сесии, при што теоретски и практично ги  разработуваме темите како што се: комуникација, справување со тешки клиенти, мотивација, лидерство, решавање проблеми и донесување одлуки, и многу други. Со самото тоа сметам дека додавам значителна вредност и придонесувам кон успехот и напредокот во работата и на други организации, и тоа навистина ми причинува огромно задоволство и ме прави среќна.

Како што спомнав и на почетокот, всушност целиот мој кариерен пат е насочен и посветен на човечките ресурси во организациите и нивниот раст и развој.

Кое е вашето најголемо достигнување во областа на човечките ресурси?

Не би можела да издвојам најголемо достигнување во однос на човечките ресурси, бидејќи во тој дел има постојани промени и предизвици. Би кажала дека пристапот на постојан и континуиран раст и развој, подобрување на вештините и способностите на вработените во нашата фирмата придонесува кон развој на култура на извонредност.

Би ја издвоила и мојата посветеност да им помагам на поединци да ги стекнат вештините неопходни за нивниот личен и професионален раст, кои потоа ги применуваат на работното место. Ова како достигнување не само што му користи на нашиот бизнис, туку и поттикнува средина на постојано подобрување и извонредност меѓу вработени во други фирми и организации. Со самото тоа, влијанието е позитивно во однос на личниот и професионалниот раст на безброј поединци и како такво би го издвоила како исклучително достигнување во мојата кариера од аспект на човечките ресурси. 

Што би им порачале на сите кои размислуваат за кариера во HR?

Мојата примарна препорака до секој што размислува за кариера во ЧР е да негува длабока љубов и страст за професијата. ЧР не е само работа; тоа е вокација која вклучува тесна соработка со луѓето, разбирање на нивните потреби и помагање да растат и лично и професионално. Потребна е емпатија, трпение и искрена желба позитивно да се влијае врз поединци и организации.

Дополнително, би ги советувала амбициозните професионалци за човечки ресурси да бидат доживотни ученици. Пејзажот на човечки ресурси постојано се развива, со нови закони, технологии и најдобри практики кои редовно се појавуваат. Неопходно е да се биде во тек со овие промени и постојано да го проширувате вашето знаење и палета на вештини кои се од суштинско значење за успехот.

Ефективната комуникација е во сржта на човечките ресурси. Развивањето силни интерперсонални и комуникациски вештини е најважно, бидејќи ќе посредувате со конфликтни ситуации, ќе водите интервјуа и редовно ќе бидете изложени на контрадикторни информации. Да се ​​биде добар слушател и емпатичен комуникатор може да ве издвои на ова поле.

Човечките ресурси се засноваат на градење односи, и во рамките на организацијата и со надворешна средина. Вмрежувањето и градењето силна професионална мрежа е основа.

За да напредувате во областа на ЧР, треба да имате вистинска љубов кон професијата, посветеност, подготвеност за континуирано учење, одлични комуникациски вештини и фокусирање на градење односи. Кога ќе им пристапите на ЧР со овие квалитети, не само што ќе бидете успешни, туку ќе доживеете и огромно лично исполнување заради сознанието дека им помагате на другите да го достигнат својот целосен потенцијал.

Што мислите за порталот 24ХР

24HR е одличен и единствен портал на македонски јазик кој се фокусира на професионалци за ЧР и на содржина поврзана со ЧР. Обезбедува информации, идеи и ресурси за заедницата на професионалци за ЧР, помагајќи им притоа на професионалците да бидат постојано информирани за трендовите во индустријата, најдобрите практики и искуствата на нивните колеги. Со сите новости, колумни, интервјуа и други содржини, порталот игра значајна улога во подобрување на професионалниот развој и вмрежување на македонската заедница на професионалци за ЧР. Продолжете да бидете успешни. Важни сте ни. 

Прочитајте ја приказната за љубовта кон човечките ресурси со Марија Мандарова од БДО Македонија

Марија Мандарова е дипломиран правник.Почетник во областа на човечки ресурси.Можноста да направи луѓето со различни карактери да се фокусираат на остварување на заедничка цел е она кое ја води да навлезе што подлабоко во областа на човечките ресурси.

Што ве натера да се вљубите во HR како професија?

Постојаната комуникација и интеракција со луѓето и можноста да им го направам денот подобар. Токму таа можност,  практично ме предизвика  длабоко да навлезам во сферата на човечките ресурси, кои сметам дека се основен фундамент на бизнисот и двигател на општествените процеси. Искреност и почит се доблестите  кои секогаш ми се основен пристап, без разлика дали станува збор за секојдневното функционирање или професионален ангажман. Секогаш се  трудам да создадам позитивна култура на работното место кое резултира со поголема мотивација, продуктивност и креативност. Сите знаеме дека вработените во една компанија се основната алка и темелот за успешно функционирање на колективот. Доколку успеете да изградите однос со нив што ќе влијае на нивната продуктивност и мотивираност, тогаш сте ги постигнале главните цели. Добрата атмосфера во компаниите, според мене е платформа за креирање бизнис и добар имиџ на една компанија и сите ние треба да дадеме свој придонес за меѓусебно почитување. Само така можеме да бидеме успешен тим и да се движиме напред.

Од каде почнавте и како изгледаше вашата кариерна патека?

 Речиси 10 години бев во FMCG,од кои 8 години работев во една компанија во која мојот ангажман беше управување со работни процеси и човечки ресурси.Бев дел од тимот кој ја координираше продажбата.Започнав со работа во 2010 година и тоа беше период, кога  на управувањето со човечки ресури не се посветуваше особено внимание, како во денешно време.  Работев во една динамична средина во која имав постојана комуникација со многу луѓе со различни карактери и различен пристап кон работните обврски. Кога одлучив да сменам кариерна патека, започнав во секторот за човечки ресурси во една државна институција и таму ми беше првото официјално запознавање во оваа област.

Кое е вашето најголемо достигнување во областа на човечките ресурси?

Официјално завршив Академија за управување со човечки ресурси при Семос образовниот центар и како официјален почетник во сферата на ЧР, слободно можам да кажам дека компанијата во која работам моментално ми даде огромна поддршка и доверба во работните процеси.Тука научив многу работи и се сретнав со најразлични предизвици на кои со задоволство одговарам. Морам да признам дека регрутација и селекција се мое омилено поле. Ми значи и што луѓето од моето опкружување, без разлика дали се работи за луѓе од моето професионално или приватно опкружување, ме консултираат за најразлични прашања од оваа област.

Што би им порачале на сите кои размислуваат за кариера во HR?

Пред се, треба да ги сакате луѓето и да знаете како да комуницирате со нив. Сметам дека е потребно да го запознаете секој вработен во компанијата,  да развивате тимски дух, пријателска атмосфера,  да имате  постојана интеракција, емпатија… Треба да создадете атмосфера дека вие сте секогаш на располагање, затоа што вработените во компанијата се клучните пред кои треба да ја стекнете довербата. Тоа впрочем е двонасочен процес. Доколку ви веруваат,  тогаш сте  ја одбрале вистинската професија.

Што мислите за порталот 24ХР

Ве следам уште од самите почетоци. Нудите одлични теми за читање, кои воедно се и вовед  во сферата на човечки ресурси. Сметам дека на Македонија и тоа како и е потребен  ваков  медиум,  кој темелно ги третира и обработува секојдневните предизвици со кои се соочува нашата фела. Содржините што ги пласирате на одреден начин претставуваат вмрежување и размена на искуства за предизвиците со кои се соочуваме при секојдневните обврски. Секогаш сте актуелни и читани ,продолжете во таа насока.

Прочитајте ја приказната за љубовта кон човечките ресурси со Елена Огненовска HR Manager во ⋮IWConnect

Елена Огненовска e дипломиран правник, со деветгодишно професионално искуство во областа на Човечки ресурси и администрација, а моментално на позиција менаџер за човечки ресурси во ⋮IWConnect. Нејзината кариера е одбележана со разновидни улоги за човечки ресурси во мали и големи компании и таа верува дека патување од правото до човечки ресурси ѝ обезбеди единствена перспектива, овозможувајќи ѝ да донесе свеж и динамичен пристап во ова поле. Длабоко е посветена на поттикнување на позитивна култура на работното место и обезбедување на професионален раст и благосостојба на вработените.

Што ве натера да се вљубите во HR како професија?

Љубовта кон човечки ресурси како професија произлегува пред сѐ од нејзината динамична и предизвикувачка природа, од можноста и шансата преку неа да се придонесе за успехот на организацијата и стратешки и етички, но и од нејзиниот потенцијал да има позитивно влијание врз кариерниот развој на луѓето.  Овие аспекти колективно ја прават за мене оваа професија длабоко исполнувачка и предизвикувачка. Секако, тука ќе ја додадам и можноста за континуирано учење и раст, со оглед на тоа дека Човечки Ресурси претставува динамично поле кое постојано се развива.

Од каде почнавте и како изгледаше вашата кариерна патека?

Јас сум дипломиран правник со деветгодишно искуство во областа на Човечките Ресурси и администрација, а конкретно мојата кариера во оваа професија започнува во 2014година, во компанија која тогаш броеше повеќе од петстотини вработени. Тоа беше фантастична можност за мене бидејќи ми даде цврста основа во операциите за човечки ресурси и ми овозможи да ги научам сите предизвици кои ги носи со себе оваа професија. Со текот на времето, превзедов повеќе одговорности и напредував во повеќе улоги, а секако едно од најзначајните искуства ми е во “IWConnect”, каде што развив силен сет на вештини за денес да раководам со најдобриот тим од професионалци за човечки ресурси.

На крај, како и секој кариерен пат, така и мојот, е исполнет со доста предизвици, труд, посветеност, константно учење, но и одлични ментори кои ми даваа насоки и поддршка низ целиот процес.

Кое е вашето најголемо достигнување во областа на човечките ресурси?

“Choose a job you love and you will never have to work a day in your life.” – Confucius

За мене најголемото достигнување е тоа што јас ја одбрав работата која е дел од мојот живот и сите предизвици кои сум ги надминала и ќе ги надминам  за мене претставуваат достигнување во оваа област. Секоја нова улога и секоја нова одговорност што сум ја добила претставува ново достигнување и едно скалило нагоре кон мојот професионален и личен развој.

Јас сум човек кој сака да добие и да даде фидбек и ценам кога сум опкружена со луѓе кои несебично го даваат истиот (позитивен и конструктивен), бидејќи тоа е начинот на кој сите ние растеме и се подобруваме. И нема поголемо достигнување кога некој (колега, пријател), ќе ти каже дека си имал влијание и си помогнал во нивниот раст и развој, дека нешто си ги научил, си им бил поддршка и дека со твоја помош успеваат и тие да ги надминат своите предизвици и да ги достигнат своите цели.

Што би им порачале на сите кои размислуваат за кариера во HR?

Да запомнат дека патувањето и градењето на кариера во Човечки ресурси е уникатно за секого, а патот до успешна кариера може да варира врз основа на индивидуалните околности, интереси и можности.  Според мене, за да напредувате во областа на човечки ресурси од суштинско значење е да останете прилагодливи, отворени за нови искуства и да сте секогаш спремни за нови предизвици.

Што мислите за порталот 24ХР?

Слободно можам да кажам дека јас сум со 24HR уште од самите почетоци и сум многу среќна за тоа. Порталот е најдоброто место и ефикасен начин каде што сите професионалци во оваа област можат да ги споделат своите искуства, практики и знаења.

Прочитајте ја приказната за љубовта кон човечките ресурси М-р Марија Конеска основач на Consulting for HR DOOEL Skopje од 2019 година и Центар за развој, едукација и советување МАША МАРИЈА Скопје од 2014 година.

Долгогодишно искуство во работа со луѓето и нивните потреби како психолог, психотерапевт, едукатор и консултант за обука и развој на вработени. Во областа за човечки ресурси активно работи како надворешен консултант и обучувач каде главна преокупација и се потребите на луѓето во компаниите и надвор од нив.

Што ве натера да се вљубите во HR како професија?

Човечки ресурси за мене е повеќе од професија. Таа е секојдневие кое се живее во секоја комуникација со луѓето, бидејќи тие се центарот на се. Самата професија за мене значи грижа за потребите на луѓето, па како психолог, мојата главна цел на работење, но и животна цел ми е да работам за да ги препознаеме, разбереме и подобриме и исполниме потребите на луѓето од различни аспекти. Бидејќи човечкиот ресурс за една компанија е најскап и воедно најпотребен без кој не би постоела, грижата за него преку оваа професија носи огромни придонеси на многу повисоко ниво. Вљубеноста е во луѓето, онаа која сите треба да ја поседуваме!

Од каде почнавте и како изгледаше вашата кариерна патека?

Почнав од слушањето на Академијата за човечки ресурси во Creative Hub, каде подетално се запознав со битноста на човечкиот ресурс како работник во компаниите, каде се пронајдов дека и дотогаш истото тоа сум го работела, само не било наречено така. После моето завршување, јас креирав нова Програма за Talent Acquisition кој го водев подолго време во Creative Hub, но во меѓувреме ми се роди и желбата да направам нешто свое и уникатно кое ќе помогне и даде на пошироко ниво вредност за човечкиот ресурс. Така, 2019 година ја отворив мојата фирма Consulting for HR DOOEL Skopje. Како консултант кој се сертифицираше и како Интернационален тренер и обучувач и уште многу сертификации по одредени програми од областа на HR низ светот, креирав повеќе Програми за едукација на вработени во сектор HR, како и Програми за издигнување на човечките ресурси во нашата држава на повисоко ниво. Преку Consulting for HR DOOEL Skopje, реализирани се многу обуки, тим билдинзи, курсеви, онбординг програми, стратегии за компании, анализи и сл на кои сум горда и имаме експертски висок успех и придонес во компаниите во Македонија и надвор од Македонија.

Кое е вашето најголемо достигнување во областа на човечките ресурси?

Се е достигнување кое носи повеќе и повеќе со секој следен чекор. Неможам да ги двојам, бидејќи сите поврзано носеле поголем и поголем придонес за луѓето како ресурс. Можеби можам да ги издвојам Психолошките анализи и обуки кои дирекно влијаеле и дале придонес кој бил брзо видлив не само на вработените, туку и на целата компанија.

Што би им порачале на сите кои размислуваат за кариера во HR?

Би им препорачала да се насочат на потребите на луѓето и нема да згрешат во работењето на било кој аспект од човечки ресурси.

Што мислите за порталот 24ХР?

Порталот 24HR е одличен портал на кој било кој што се занимава со HR може да најде секакви информации во однос на своите потреби. Доста богат со колумни, блогови, реклами и широк опсег на информации на едно место за сите HR-ровци.

Прочитајте ја приказната за љубовта кон човечките ресурси на Маријана Андриќ-основач на Маранд Консултанти

Денес, во рубриката Љубов кон HR на 24HR, прочитајте ја HR приказната на Маријана Андриќ која е основач на МАРАНД КОНСУЛТАНТИ www.marand.com.mk  консултантска куќа која повеќе од 15 години врши услуги за пресметка на плати за најразлични работодавачи и индустрии користејки софистицирани алатки за пресметка и размена на документација врзана за податоците за мерење на учинокот.  Има повеќегодишно едукативно искуство во областа на финансиските аспекти на човечки ресурси. Таа е долгогодишен предавач на Академијата за човечки ресурси за модул Плати, наградување и финансиски аспекти во ХР (2010-2021).

Што ве натера да се вљубите во HR?

Кога главниот и најважнот ресурс за вашата професија се луѓето неможете а да не ги сакате човечките ресурси. Како што готвачите се опседнати со квалитетни ножеви, тркачите со модерни и моќни автомобили, софтверските девелопери со бесни компјутери, така мојот фетиш се умни, вредни, исполнителни соработници .

Од каде почнавте и како изгледаше вашата кариерна патека?

Мојата определба се финансиите но низ годините стекнатото искуство од сароботката со многуте клиенти отвори огромни можности за истражување во ова подрачје. Во многу дејности ( посебно услужните) задоволството на вработените станува клучен индикатор за успешен бизнис. Одлично осмислената програма на првата ХР Академија во Македонија каде долги години го предавав модулот “Финансиски аспекти на ХР” е мојот официјален влез во тој свет. Подоцна и процесот на формалното образование го заокружив на правниот факултет со магистеркиот труд “Плати и наградување”

Вашето искуство е богато во разлини области кое достигнување би го изводиле како ваш двигател за развој во HR како професија?

Можеби фактот што клиентите покрај услугите кои се предмет на договор се почесто бараа и поддршка во делот на регрутација, едукација и менторирање на кадрите од одделот за финансии и сметководство

Што би им порачале на сите кои размислуваат за кариера во HR?

Интересна, неисцрпена област, динамична, неопходност за прилагодување на новите трендови. Мултидисциплинарна, правници, психолози, финансиери, едноставно секој може да си го најде местото независно од образованието

Маријана Андриќ за 24HR:

Совршено место за сублимирање на информациите за случуванњата од ХР светот и извор на инспирација за секојдневно подобрување на ХР процесите.

Прочитајте ја приказната за љубовта кон човечките ресурси на Велика Јаневска Паноски – Раководител за човечки ресурси во Medavia – Mediterranean Aviation.

Се опишува себеси како голем креативец и авантурист во постојана потрага по нови предизвици. По вокација дипломиран политолог и магистер по човечки ресурси, а нејзината моментална позиција е Раководител за човечки ресурси. Таа веќе 5 години живее и работи надвор од Македонија, поточно во Малта, каде што е дел од одделот за човечки ресурси на компанија од авиоиндустријата. Сака да патува и да запознава нови луѓе и култури, а личниот развој е нешто на што таа посвестува големо внимание. Денес, во рубриката Љубов кон HR на 24HR, прочитајте ја HR приказната на Велика Јаневска Паноски – Раководител за човечки ресурси во Medavia – Mediterranean Aviation.

Што ве натера да се вљубите во HR како професија?

Она што најмногу ми се допаѓа во HR-от е динамичноста на професијата и нејзиното постојано менување и развој за да ги подобри работите – без разлика дали се работи за нови стратегии за да им се помогне на вработените со нивниот развој, ефективни планови за обука, нови технологии и алатки за човечки ресурси или партнерство со менаџери од највисоко ниво за да се најдат начини за подобрување на процесите со цел компанијата да ги постигне своите цели. Сакам да им помогнам на вработените да го достигнат и реализираат својот максимален потенцијал. Ако можам на некој да му помогнам да напредува, тоа значи дека сум успеала да додадам нешто на овој свет.

За мене, HR е срцето на секоја организација. Многу добро е кажано дека колку што водата го одржува животот, така и функцијата на HR игра улога во помагањето да се одржи здравјето на една организација.

Од каде почнавте и како изгледаше вашата кариерна патека?

Како дипломиран политолог и млад ентузијаст со големи соништа за иднината, воопшто не очекував дека ќе работам во областа на човечките ресурси. Планот да продолжам со постдипломски студии за Надворешна политика и дипломатија наеднаш доби нов курс на движењето откако добив шанса да почнам да работам во HR како Асистент за човечки ресурси. Благодарение на мојата менаџерка, која на суптилен и професионален начин ми ја внесе професијата под кожа и ме поддржа да продолжам со магистерските студии во таа област, потполно се променија моите планови и цели во животот.

Од тој момент бев сигурна дека ова е тоа што сакам да го работам, како и да се надоградувам и развивам себеси во таа област. Меѓутоа мојата „дива“ природа и постојаната потрага по предизвици ме натера да ја истражам оваа професија и надвор од нашата татковина каде што продолжив со мојата надградба и станав Сертифициран професионалец по Менаџмент на промени. Следен чекор во мојата кариера беше „Програмата за развој на жени лидери“ при Универзитетот на Оксфорд.

HR е професија во постојан раст и со брзиот развој на технологијата треба да бидеме во постојан тек со новите трендови и промени па затоа оваа професија постана наука со континуирана надградба.

Кое е вашето најголемо достигнување во областа на човечките ресурси?

Би било многу тешко да издвојам едно најголемо достигнување бидејќи јас сум личност која постојано се надградува себеси за секое мало достигнување. Имам секојдневни, месечни и годишни цели и секое нивно постигнување ми дава гордост и задоволство како и мотив да продолжам понатака. Како последно достигнување можам да го издвојам моментот кога бев промовирана за Раководител на секторот за човечки ресурси во компанија каде што сум единствена жена странец и воедно најмлад член во топ менаџментот каде мојот глас е подеднакво слушнат и ценет како и на останатите. Кога колегите имаат доверба во тебе како HR лидер и се чувствуваат комфорно да ти се обратат за совет, без разлика дали е на приватен или професионален план, тоа е едно големо достигнување бидејќи довербата и добрата комуникација е клучот на еден добар HR професионалец.

Што би им порачале на сите кои размислуваат за кариера во HR?

Работењето во HR значи дека понекогаш се справувате со некои прилично неразумни или екстремни ситуации. Треба да ја развиете вештината за фокусирање и менаџирање на вашите лични емоиции додека работите низ овие ситуации. Само затоа што ви се допаѓаат луѓето не значи дека кариерата за човечки ресурси е соодветна за вас. Во HR, ќе имате многу можности да се справите со позитивни настани во животот на вработените, но, исто така, ќе треба да спроведувате политики, да ги истражите наводните прекршувања и да спроведувате отпуштања и дисциплински мерки. Не секој пат ќе имате пријатни моменти со вработените и затоа е многу важна емоционалната интелигенција во оваа професија.

Улогата на HR-от еволуираше премногу во последните неколку години. Треба да покажете дека го разбирате бизнисот и дека можете да креирате програми и политики кои ги задоволуваат деловните потреби. Доколку ги имате потребните карактеристики и поседувате голема желба да работите во оваа област, ќе имате безброј шанси да напредувате бидејќи HR повеќе не е административна функција за компаниите туку еден интегрален дел од сите бизниси ширум светот.

Велика Јаневска Паноски за 24HR:

Јас сум човек којшто постојано чита за новите HR трендови ширум светот. Претплатена сум на повеќе HR магазини и ме радува фактот што и кај нас постои платформа каде што иако сум во странство можам на дневно ниво да прочитам за новите случувања на HR сцената и да прочитам квалитетни статии и совети од нашите HR професионалци. Големо браво!

Интервју со Маријана Столевска Тасиќ – Специјалист за човечки ресурси во голема интернационална трговска компанија.

Таа е  млад ентузијатист, вљубеник во правото и мотивиран и креативен експерт за човечки ресурси со долгогодишно искуство. По образование магистер по правни науки, кој секогаш се залага за правичност, транспарентност и љубезност во секојдневните односи и комуникации. Една од придобивките која ја има во својата улога на Специјалист за човечки ресурси е запознавањето со скоро секој човек во компанијата, зајакнување на односите и комуникацијата со нови луѓе и развивање на пријателства и создавање на пријатна работна атмосфера во која секој вработен се чувствува како вреднуван дел од организацијата. Запознајте ја Маријана Столевска Тасиќ во рубриката Љубов кон HR на 24HR.

Што е тоа што ве натера да се вљубите во човечките ресурси?

Креативноста во ХР областа и предизвикот за соработка  со различни профили на луѓе се едни од најважните работи кои ми се допаѓаат и заслужни да се вљубам во оваа професија. Понатаму, ми се допаѓа што оваа професија е многу динамична и постојано се менува, се со цел да ги подобри работните процеси, да ги мотивира вработените, без разлика дали се работи за нови стратегии или технологии. Управувањето со човечки ресурси е професија која може да им помогне на вработените во нивниот личен и професионален развој. Важноста на ефективните планови за обука и влијанието на нови технологии и алатки за човечки ресурси се истотака дел од битните практики во ХР областа. Парнерството на ХР менаџерите со менаџерите од највисоко ниво е од особено значење, за да точно се утврди потребата од кадар како и заедничко пронаоѓање начини за подобрување на процесите.

За да може да се постигнат поставените цели од компанијата и вработените, најголемиот предизвик за нас, ХР специјалистите е да ги имплементираме првично барањата на организацијата во однос на човечките ресурси, земајќи ги во предвид сите законски прописи, етички бизнис практики како и трошокот а притоа мотивираноста, посветеноста и продуктивноста на вработените да се одржат на највисоко ниво.

Од каде започна кариерната патека на Маријана?

Мојата кариерна патека е долгогодишна, брои повеќе од дванаесет години,  додека како специјализиран правник  во областа на човечки ресурси повеќе од десет години.

Вработена во голема интернационална трговска компанија како Експерт за човечки ресурси и Правник во која имам можност постојано да се надоградувам и учам нови практики за управување со човечки ресурси.

Интересот кон управувањето со човечките ресурси го имав уште како студент на Правниот факултет поконкретно во предметите кои  ја изучуваа трудовата област и успеав низ моето работно искуство да се специјализирам  во практична смисла токму во оваа професија.

Ги сакам предизвиците и тие се  заслужни двигатели во мојата професионална кариера да се здобијам со многу искуства во различни области поврзани со правото, особено во областа на човечките ресурси.

Спојот на извршување на  секојдневни обврски од областа на правото од една страна и со посебен акцент во човечките ресурси од друга страна се нови учења, достигнувања и одлично искуство за мојот професионален развој и кариера.

Најголем предизвик е и мојот дополнителен ангажман како член во совет на општина каде со гордост ги застапувам интересите на граѓаните.

Дали постои некое достигнување на кое сте особено горди?

Секојдневното зголемување и стекнување на довербата на вработените и мојата пристапност без ограничувања, за било какво нивно незадоволство, позитивна критика како и предлози  за подобрување на процесите, барање на заедничко решение за настанат проблем, кои се однесуваат на управувањето со човечките ресурси се моите секојдневни достигнувања кои ми преставуваат мотив, да можам да помогнам во одржувањето на балансот во односот  вработен-организацијата, се со цел да ги подобруваме постојано процесите и заеднички да создаваме пријатна работна атмосфера во која секој вработен со својот учинок во целината е вреднуван и почитуван еднакво во компанијата. Мотивиран работник секогаш ги постигнува целите повеќе од очекуваното.

Што би им порачале на сите кои размислуваат кариера во човечки ресурси?

Не постои поголема сатисфакција и задоволство од извршување на токму посакуваната професија. Работењето со различен тип на карактери е огромен предизвик, па постигнувањето на рамнотежа во таа комуникација и однос е посебно достигнување. Еволуција значи и менување и развој на луѓето а во бизнис современиот свет одржливата конкурентна предност се токму човечките ресурси па покрај првичниот самостоен развој, од особено значење е развојот на професионалните вештини, искуства и креативноста на вработените во организацијата. Управувањето со човечките ресурси е еден од најголемите предизвици за менаџментот во 21 век да може да одржи конкурентска предност и секој кој сака ваков предизвик треба да размислува за кариера во оваа професија.

Маријана Столевска Тасиќ за 24HR:

24HR го следам редовно и сум навистина задоволна од содржините. Toa e место кое ги обединува сите вљубеници во ХР областа и им овозможува размена на практики, искуства, современи алатки и техники на управување со човечките ресурси.

Интервју со Лена Никиќ – Менаџер на сектор за човечки ресурси и Офицер за заштита на лични податоци во млекара Бучен Козјак.

За себе вели дека е пред сè мајка и сопруга – две работи од каде ја црпи силата за својот професионален и личен развој, додека пак на професионално поле е Менаџер на сектор за човечки ресурси и Офицер за заштита на лични податоци во млекарата Бучен Козјак. По вокација Дипломиран економист, а во моментов е на магистерски студии од областа на Стратегиски менаџмент за човечки ресурси на Универзитетот Св. Кирил и Методиј, а паралелно има посетувано многубројни професионални обуки од областа на човечките ресурси кои заедно со формалното образование и работното искуство и помогнале да се изгради во вистински HR професионалец како што е денес.

Со Лена Никиќ имавме можност да разговараме во топлите канцеларии на Бучен Козјак каде што таа работи повеќе од осум години. На својата тековна позиција, таа е одговорна за регрутирање и селекција на вработени, водејќи ги сите процеси во однос на правата на вработените, исплаќање на работниците и систем за наградување, мотивација и благосостојба на вработените. Тоа го прави со помош на долгогодишното искуство во менаџирање со луѓе и тимови, а главна цел ѝ е мотивирање и овозможување на професионален развој на самите вработени. По природа е флексибилна личност, со силна желба за докажување и давање на позитивен личен пример. Повеќе за Лена Никиќ и нејзината приказна во светот на човечките ресурси дознајте во нејзиното интервју во рубриката Љубов кон HR на 24HR.

Како се случи да се вљубите во човечките ресурси како професија?

Динамичноста на професијата е тоа што мене лично ме натера да се препуштам во науката на човечките ресурси. Психологијата на човекот отсекогаш ми била атрактивна област, која често ја истражувам во слободно време. Балансирањето помеѓу различните карактери во работната атмосфера дава посебно чувство, искуството кое се стекнува во секојдневните ситуации е непроценливо. Во човечките ресурси не постои монотонија. Денот секогаш се заснова на чувства, интуиција, искуство. Додека пак вложувањето во развој на нови таленти и градењето на професионален план на своите вработени е дејствие кое нема цена.

Дополнително, постојано се креираат нови стратегии и техники за менаџирање со тимови. Неверојатно е колку е турбулентна оваа професијата, што за мене претставува предизвик, особено кога треба да избалансирам помеѓу законските промени, задоволство на вработените и топ менаџментот.

Каде беа вашите почетоци и како изгледа кариерната патека на Лена?

Најпрвин почнав како сметководител во компанијата, откако ги завшрив економските студии. Меѓутоа, во тие рани почетоци сфатив дека работните обврски во тој сектор за мене се монотони. Јас не сум тип кој сака бројки. Во секторот за човечките ресурси е апсолутна спротивност. Во тој момент Генералниот Директор ми посочи за мојот страст кон односот со луѓето, по што одлучивме заеднички да вложуваме на градење на мојата професионална кариера во човечките ресурси. Почнав со посета на обуки од аспект на клучни менаџмент алатки за унапредување на работниот потенцијал, за мотивација на вработените, за управување со конфликти во организацијата, по што заклучив дека ова е професијата во која јас се пронаоѓам, која ме исполнува. Одлучив да запишам Мастер студии од област на Стратегиски менаџмент на човечки ресурси при Економски факултет- Св. Кирил и Методиј. Од таму, се трудам секојдневно да се усовршувам со разни едукативни програми компетенти за мојата кариера и моето работно место. Тежнеам да оставам позитивен импакт во организацијата, со тоа што задоволството на вработените ќе биде високо, воедно со нивен ефективен исполнителен перформанс.

Дали постои некое HR достигнување на кое сте особено горди?

Тешко е да се издвои едно достигнување. За мене секој еден нов ден, задоволно, насмеано лице, претставува достигнување. Радоста и сјајот во очите кој се јавува кај вработените кога ќе им соопштам за нова обука, за некоја позитивна реализација, за секоја една нова алатка имплементирана во работниот процес, за нив претставува олеснување, а за нас мотивација уште повеќе да стемиме во подобрувањето на нивната благосостојбата. Со самото сослушување на нивните желби и потреби, тие се чувствуваат вреднувано, а воедно за нас претставува големо достигнување.

Ако некој во моментов размислува за кариера во човечки ресурси, која би била вашата порака за него?

Кариера во областа на HR се заснова на личности кои поседуваат силни комуникациски вештини, како и флексибилност, трпение, тимска работа, поверливост, лидерство, настореност кон решавање на проблеми и слично. Оваа професионална област се повеќе е застапена во скоро сите компании, бидејќи неспорен е ефектот кој HR професионалците го даваат. Затоа сметам дека секој кој ги поседува овие вештини, со желба за успех на полето на човечките ресурси би можел да успее во изградувањето на кариерната патека.

Лена Никиќ за 24HR:

Задоволство е да се чита секоја нова статија. Токму ваков портал како 24HR недостигаше како место каде секојдневно можат да се сретнат нови искуства и знаење.

Интервју со Билјана Стефановска, Директор за човечки ресурси во Енвижн Груп и ГЦДФ сертифициран кариерен советник со десет години искуство во регионални и интернационални компании.

Билјана Стефановска е дел од првите генерации на Менаџери за Човечки Ресурси во Македонија, ГЦДФ сертифициран кариерен советник  со десет години искуство во регионални и интернационални компании. Моментално Директор за Човечки Ресурси во Енвижн Груп, интернационална брзорастечка компанија со 100 плус вработени. Вљубеник во својата професија, хуманитарец и упорен борец  за континуирано подобрување на општеството. Додека работното време е исполнето со развивање на стартегии за посреќни вработени и поголема успешност на компанијата, своето приватно време го поминува во посета на културни настани, дружба со пријателите и семејството и  волонтирајќи за подобрување на општествените практики за справување со маргинилизираните групи на граѓани деца без родители, еднохрани семејства, социјално загрозени граѓани. Во моментот подготвува проект за инклузија на недоволно квалификуван кадар на пазарот на трудот заедно со волонтери колеги од областа на управување со човечки ресурси за кој би можеле да зборуваме во некоја наредна прилика. Верува дека должност на секој интелектуалец со поголеми капацитети е да помогне да се подобри општеството во кое живееме на  индивидуален начин согласно можностите.

Што ве натера да се вљубите во HR како професија?

Во раните почетоци бев импресионарана од безграничните можности на професијата од секој можен аспект, од креативност до аналитики и метрики. Како личност сум неуморна и хиперактивна и не можам да работам репетитивни работи. Во Менаџментот на човечки ресурси ретко кога математички може да се спроведе стратегијата за управување со кадарот и развојот на бизнисот бидејки најголем дел од инпутот во секоја аналитика се луѓето а луѓето се променливи,  и пред се бесконечно различни. Нема два исти вработени, нема два исти кандидати секогаш има повеќе варијации и бесконечно многу комбинации на лични  и професионални особини. Токму таа динамичност и постојан предизвик се причина за мојата неотповиклива љубов и страст кон работата.

Од каде почнавте и како изгледаше вашата кариерна патека?

Започнав како асистент за човечки реусри на проект од каде продолжив на комбинирана  позиција Асистент на Генерален Менаџер и асистент за човечки ресурси во Хај Тек Корпорација бидејки во тој период беа раните почетоци н професијата во Македонија и се уште имаше многу нејаснотии. Токму на оваа позиција имав можност да го применам сета теоретско знаење бидејки имав среќа да Генералниот Директор беше подеднакво фасциниран како и јас од можноста да математички се анализира и насочува однесувањето. Поставивме темели на мерења на учинок по вработен , мотивации на врабоени, програми за развој на таленти итн . Понатаму заминав во геинг Кребс унд Кифер каде што слободно можам да кажам дека го заокружив своето кариерно реализирање како Менаџер за управување со Човечки Ресурси со имплементација на комплетна стартегија на развој на Човечки Ресурси во голема компанија од над 350 вработени. Ова беше воедно мое најдраго работно искуство бидејки работев во најголем тим за човечки ресурси согласно интернационални стандарди и имавме бескрајно многу часови на аналитики, консултации и радости по постигнати резултати. Понатаму продолжив во Проспертоп и Космик Девелопмент каде ги зголемив своите знаења во однос на работа со клиенти,  работа со странци и развој на бизнис, за да сега во Енвижн продолжам во имплементација на сите досегашни знаења и да се надоградувам согласно новините во нашата професија и мојата позиција.

Вашето најголемо HR достигнување?

Реално секојпат кога ќе видам среќа на лицето на вработениот за мене е достигнување. Тешко е да се одвои едно достигнување но да речеме најдраго достигнување ми е креирањето на систем за утврдување на компетентност на инженери што беше макотрпна шест месечна работа но крајниот резултат беше оценката на системот како подобар од кој било постоечки во Европа. Тоа беше проект за кој не бев сигурна дали е воопшто изводливо да се создаде но кога ги споредивме финалните метрики и се утврди дека системот функционира и дава точен резултат  е дефинитивно незаборавен момент.

Што би им порачале на сите кои размислуваат за кариера во HR?

Денеска областа на човечки реурси дури и во нашата држава е многу развиена и расчленета, од правни апекти, економски дел  и  подготовка на плата, регрутација, мотивација на вработени  и развој на стартегија за управување со човечки ресурси . Верувам секој може да го пронајде своето место доколку исполнува еден најважен преуслов а тоа е филантропија и трпение бидејки во кој било дел од управувањето со човечки ресурси контактот и комуникацијата со многу различни индивидуи е неизбежно.

Што мислите за порталот 24HR?

Порталот 24HR е токму она што недостигаше особено минатите 3 години со огромната експанзија на нашата професија на глобално и локално ниво. Уживам во секоја нова статија.