Во рамки на овие хакатони, средношколците работат на реални и предизвикувачки теми, меѓу кои:

🔹 креирање иновативен банкарски производ за Gen Z,
🔹 лансирање нов бренд од почеток,
🔹 решавање на реален стартап проблем.

Овие млади таленти не само што размислуваат креативно, туку и активно се подготвуваат за својата професионална иднина преку тимска работа, иновации и претприемачки дух.

Досега менториравме тимови и добивме победници од средните училишта СУГС „Никола Карев” – Скопје, СЕПУГС „Васил Антевски – Дрен” – Скопје и СОУ Гимназија „Славчо Стојменски” – Штип.

Ова е и одлична можност за средношколците да се запознаат со новиот пакет за млади на НЛБ Банка – NLB Next.

На крајот од овој инспиративен процес ќе се одржи финален хакатон, каде што ќе се натпреваруваат победниците од сите училишта – најдобрите идеи, на едно место.

Горди сме што сме дел од иницијатива која ги мотивира младите да размислуваат храбро, да создаваат и да веруваат во своите идеи.

Во прилог – дел од одличната атмосфера и енергијата што нè уверува дека иднината е во сигурни раце.

На 21 мај во хотел Александар Палас, Скопје ќе биде домаќин на Втората Меѓународна Коучинг Конференција “THE HEARTBEAT OF COACHING” – искуствен настан за личен, професионален и организациски развој.

Програмата се состои од 4 интерактивни сесии и 8 паралелни искуствени работилници (учесниците избираат 4 врз основа на улогата, потребите и интересите), кои ќе поттикнат промени во начинот на размислување, комуницирање, водење луѓе и процеси, воспоставување релации со себе-лично и во рамки на организацијата.

ЕДНИ ОД НАЈДОБРИТЕ И ВРВНИ ЕКСПЕРТИ И КОУЧИ СО ИНТЕРНАЦИОНАЛНО ДОЛГОГОДИШНО ИСКУСТВО ЌЕ ГО ВОДАТ ИНТЕРАКТИВНИОТ И ИСКУСТВЕН ПРОЦЕС НА КОУЧИНГОТ:

Четирите интерактивни сесии ќе ги водат: Георги Громов, сертифициран коуч, добитник на награда „ТОП-3 извршни коучи”, автор и диригент на оркестар; Сотирис Карагијанис, директор, универзитетски предавач, коуч, тренер и консултант; Д-р Лулзим Адили, извршен лидер и креатор на PRIMAL™ FRAMEWORK, основач на CPR™ for Teams и MANTOLEA™ (Manager to Leader) и коуч; и Ваутер Гејзен, системски коуч и основач на ,,Systemic Rebels”.

Додека пак, работилниците ќе ги водат: Анета Коробкина, трансформациски коуч, автор и меѓународен говорник; Јанис Атанасопулос, мастер НЛП корпоративен тренер и EMCC сениор коуч; Сузан Пазит Гева, генерален директор на „Golden Consulting“; Илче Ендековски, CIPD Level 5, ASQ  GSSGB, CBOP, главен инструктор-корпоративен тренер, ментор, коуч; Александра Касми, ко-сопственик и генерален директор на ,,Future Group Albania”, сертифициран мастер  коуч и сениор тренер; Николина Николовска, магистер по арт-терапија и човечки ресурси, енергетски терапевт и духовен тренер и НЛП мастер практичар; Претставници на А1 Македонија, НЛП практичар и системски коучи; и Ида Протугер, психолог, системски бизнис коуч (ECA сертифицирана) и консултант за лидерство и комуникација.

СПЕЦИЈАЛНИ ГОСТИ:

Маја Вукомановиќ и Предраг Филиповиќ ќе им овозможат на присутните да искусат саморегулација во реално време преку HRV биофидбек и визуелизација на AuraCloud. Искуството покажува колку брзо може да се промени внатрешната состојба и како тоа директно влијае на размислувањето, комуникацијата и перформансите.

ПОДЕТАЛНИ ИНФОРМАЦИИ ЌЕ НАЈДЕТЕ ВО АГЕНДАТА НА НАСТАНОТ

Темите вклучуваат бизнис и лидерски коучинг, НЛП, системски коучинг и констелации и истите придонесуваат за:

Компаниите поквалитетно да донесуваат одлуки во услови на неизвесност и притисок; поефикасна комуникација помеѓу вработените, различни оддели, во тимовите, со клиенти и сите засегнати страни; ефикасно управување со луѓе и ресурси; препознавање скриени обрасци на однесување што влијаат на перформансите и резултатите; пристапи и алатки веднаш применливи; развој на свесни лидери и менаџери кои во сложени околности, можат да пристапат со поголема јасност, фокусираност итн.

Професионалците да стекнат подлабоко разбирање на тоа што го поттикнува личното и организациско однесување; алатки за донесување појасни, посигурни одлуки во сложени ситуации; по свесно лидерство и ефективна комуникација; поврзување со автентичноста, емоционалната јасност и поттикнување внатрешна усогласеност; интеграција на личната свест во професионален контекст итн.

На 21 мај, искуствениот, системско-холистички коучинг пристап ќе поттикне повисока свесност, јасност и трансформација.

“THE HEARTBEAT OF COACHING” конференцијата НЕ е само за коучи. Иако и на коучот му е потребен коуч. Настанот е наменет за сите кои водат луѓе и процеси: менаџери за човечки ресурси, лидери, тимови, тренери, консултанти, директори, проектни менаџери, но и за професионалци од приватен, јавен и граѓански сектор, како и секој што сака да инвестира во личен и професионален развој.

АГЕНДА НА НАСТАНОТ: https://coachingconference.mk/wp-content/uploads/2026/03/COACHING-CONFERENCE-AGENDA-21-MAY-FINAL_compressed.pdf

Начини на учество: Индивидуални и компаниски пакети на карти. Исто така, подготвена е одлична можност да се поддржи конференцијата, а воедно да и да се инвестира во развојот на вработените/тимот. Повеќе информации за начинот на покровителство и поддршка на “THE HEARTBEAT OF COACHING” може да се побара на: info@coachingconference.mk

Во тек е рана регистрација за настанот на следниот линк:https://coachingconference.mk/

Токму затоа создадовме простор каде што ќе се добијат увиди, јасност, нови перспективи и можности за развој, но и практична примена во секојдневниот живот и работа.

На 25 МАРТ, на платформата ZOOM, ќе се одржи Првата Меѓународна СИСТЕМСКА КОУЧИНГ КОНФЕРЕНЦИЈА, онлајн настан кој ќе обедини 17 интерактивни и искуствени работилници, водени од домашни и меѓународни професионални коучи.

АГЕНДА

Програмата изобилува со теми поврзани со различни области од животот кои ќе го поттикнат Вашиот личен, професионален и организациски развој, како што се: лидерството, организациските процеси, алатки за развој на бизнис, донесувањето одлуки, воспоставување на релации со себе и со другите, јавно говорење, кариерен развој и итн.

Настанот е наменет за менаџери на човечки ресурси, лидери, претприемачи, тренери, психолози, консултанти, коучи, како и за сите кои работат со луѓе и процеси или сакаат да инвестираат во личниот и професионален развој.

Учесниците ќе добијат:

• 17 интерактивни и искуствени работилници кои ќе поттикнат Ваша трансформација;
• Целосен пристап до сите работилници и снимка со ограничено време на гледање, по завршување на конференцијата;
• Ќе добиете увид, јасност и свесност за Вашите предизвици и како да се справите со нив;
• Практични алатки веднаш применливи за Вашиот личен, професионален и организациски развој.

Исто така, на настанот ќе се доделуваат повеќе видови на вредни награди за учесниците, меѓу кои бесплатни или намалени карти за конференцијата „The Heartbeat of Coaching“, како и коучинг сесии со сертифицирани системски коучи.

Инвестирајте во начинот на кој размислувате и чувствувате, воспоставувате релации со себе и другите, водите луѓе и процеси, како и начинот на кој донесувате одлуки!
Пријава на следниот линк:  https://coachingconference.mk/product/online-systemic-coaching-conference/

Програма

Со големо задоволство ве покануваме на Vl lnternational Controlling Conference, организирана од Контролинг Бизнис Центар, кор ке се одржи:

16 април 2026

DoubleTree by Hilton

Оваа година конференцијата се одржува под темата:

AI meets Controlling — Leading with lnsight in the Era of Transformation”

Во време кога деловното опкружување се менува побрзо од кога било, организациите се соочуваат со потреба да носат побрзи, попрецизни и стратешки информирани одлуки. Токму затоа контролингот денес има многу поширока улога — од традиционално финансиско известување до стратешки партнер во управувањето со бизнисот.

Развојот на вештачката интелигенција, напредната аналитика и деловната интелигенција отвора нови можности за компаниите да ги користат податоците како основа за подобро планирање, управување со перформансите и оптимизација на ресурсите. Контролингот станува функција кор ги поврзува финансиите, стратегијата, технологијата и лидерството, создавајКи вредни увиди за управувањето со организацијата.

Конференцијата ќе се фокусира на тоа како современите технологии и аналитички алатки го трансформираат контролингот и управувањето со перформансите, како и на улогата на data-driven пристапот во донесувањето деловни одлуки.

Преку предавања, практични примери и дискусии, учесниците Ке имаат можност да слушнат искуства од водечки експерти и бизнис лидери за тоа како компаниите можат да р подобрат ефикасноста, да ги оптимизираат ресурсите и да создадат поголема деловна вредност.

Конференцијата ќе обедини контролери, финансиски директори, менаџери, консултанти и бизнис лидери од различни индустрии и професии, со цел размена на знаење, искуства и најдобри практики во областа на контролингот и современото деловно управување.

АИ meets Controlling — Leading with lnsight in the Era of Transformation

 Клучни теми на конференцијата:

• Al во контролинг и финансии — како вештачката интелигенција го трансформира начинот на анализа на податоци, прогнозирање и донесување деловни одлуки.

Excel во новата ера на автоматизација — современи пристапи и алатки кои го прошируваат потенцијалот на Excel во анализата на податоци и автоматизацијата на финансиските процеси.

• ChatGPT и Copilot како алатки за аналитика и поддршка во одлучување практична примена на А! алатки за побрза анализа, подготовка на извештаи и поддршка во стратешкото одлучување.

• Улогата на CFO во дигиталната трансформација — како финансиските директори стануваат двигатели на дигиталната трансформација и стратешки партнери во бизнисот.

Трансформација на организацијата и контролинг функцијата

— еволуцијата на контролингот од традиционална финансиска функција во клучен партнер во управувањето со перформансите и стратегијата.

• Панел дискусија – POWERED by lsos

Во рамки на конференцијата ќе се одржи и панел дискусија на тема: ”Leading the Transformation: Strategy, Sustainability and the Future of Business”.

На панелот ќе учествуваат еминентни говорници и бизнис лидери кои ќе дискутираат за предизвиците и можностите поврзани со бизнис трансформацијата, одржливиот развој, улогата на лидерството и стратегиското управување во современите организации. Панел дискусијата Ке понуди практични перспективи за тоа како компаниите можат да се адаптираат на динамичните промени и да создадат долгорочна вредност преку иновации, одговорно управување и data-driven пристап.

VI International Controlling Conference-Програма

Пријава

На 20 и 21 мај, Скопје ќе биде домаќин на интернационалната конференција Firestarter 2026, еден од најзначајните настани посветени на Customer Experience (CX) и Employee Experience (EX) – области кои денес играат клучна улога во конкурентноста, иновативноста и одржливиот раст на организациите.

Во време кога компаниите не се натпреваруваат само со производи и услуги, туку и со искуството што го создаваат за своите клиенти и вработени, CX и EX стануваат централни стратегии на современото лидерство. Firestarter 2026 ќе донесе во Скопје меѓународни експерти, бизнис лидери и практичари кои ќе споделат стратегии, искуства и реални примери за градење организации ориентирани кон луѓето.

Темите на конференцијата се поврзуваат околу идејата дека успешните организации денес се градат преку управување со Customer Experience (CX) и Employee Experience (EX), кои еволуираат кон поширокиот концепт на Experience Management (XM). Фокусот е на човеко-центрично лидерство, комуникација и култура што создава доверба, ангажираност и подобро искуство и за вработените и за клиентите.

Преку лидерски приказни, панел-дискусии и практични примери, конференцијата покажува како овие принципи се претвораат во стратегија и конкретни алатки за организациска трансформација. 

Меѓународни експерти и регионални лидери на една сцена

Меѓу говорниците се Иан Голдинг, глобален експерт за корисничко искуство (CX) и сертифициран професионалец за Customer Experience (CCXP), како и Антони Лачинаи, меѓународен говорник, експерт за комуникација на работното место и автор.

Од корпоративниот сектор ќе учествуваат Мојца Домитер, потпретседателка за човечки ресурси и култура на ниво на групација, во Atlantic Grupa, и Пеџа Јовановиќ, извршен директор на Atria Group Белград и тренер за лидерство.

Меѓународна перспектива ќе донесат и д-р Натија Џибладзе, акредитиран CX експерт (CXAC) и член на MIT GLEEN, како и Нана Ахобадзе, сертифициран CX експерт (CXAC), лидер за култура на услуги и ко-основач на CX Hub, кои се на менаџерски позиции за CXM Systems во TBC Bank, Грузија.

Од регионалната бизнис сцена ќе се приклучат Полексена Јанкуловска, раководител за искуство на клиентите и маркетинг во Бимилк, и Андреја Кодрин, директор на Quintaum од Словенија.

Конференцијата ќе ја отвори Христина Велковска, претседателка на MACEX и извршен директор на Вита Институт.

Програмата вклучува и панел-дискусии со извршни директори и претставници на стопанските комори, посветени на улогата на CX и EX во бизнис стратегијата и организациската трансформација.

Ексклузивни masterclass сесии со светски експерти

Покрај конференциската програма, Firestarter 2026 носи и ексклузивни masterclass сесии со Иан Голдинг и Антони Лачинаи. Овие интерактивни работилници се наменети за професионалци од sales, marketing, customer care и HR, кои сакаат да преминат од инспирација кон практична имплементација на CX и EX стратегии.

Концептот на настанот е јасен: првиот ден носи инспирација и стратегија, додека вториот ден нуди практични алатки и методологии за реална примена во организациите.

Во тек е рана регистрација за настанот, а учесниците можат да изберат присуство на конференцијата или комбинирано учество со masterclass сесиите.

АГЕНДА НА НАСТАНОТ: https://macex.mk/agenda-2-2-2/

Регистрација на следниот линк: https://docs.google.com/forms/d/e/1FAIpQLSdBvCcGGS4YerQqEi3UDA6KUHsSDfXnZwdR49kgRlbP6ppVpw/viewform

Домаќинствата денес се соочуваат со најразлични непредвидливи ситуации – пожар, поплава, провална кражба, оштетување од атмосферски појави, излевање вода од инсталации или несреќи предизвикани од сопствени возила. Во време кога климатските промени, урбанизацијата и секојдневниот ритам на живеење носат нови ризици, осигурувањето е клучниот механизам што ја претвора неизвесноста во сигурност.

Осигурувањето на домаќинство на Халк Осигурување овозможува сеопфатна заштита која ги опфаќа најчестите, но и најскапите ризици за објектот и покуќнината. Со полиса која е креирана да ги следи вистинските потреби на секое домаќинство, осигурениците добиваат покривање од:

• Пожар и експлозија, како едни од најчестите и најразорните ризици
• Атмосферски непогоди како град, бура или удар од гром, кои можат сериозно да го оштетат домот
• Излевање вода од водоводни и канализациски инсталации
• Провална кражба и разбојништво, што дополнително го зајакнува чувството на безбедност
• Удар од сопствено моторно возило во објектот
• Многу други ризици кои се дел од современиот живот

Со ова осигурување, секој дом станува заштитена зона, а секое домаќинство поддржано и сигурно. Дополнително, полисата вклучува покривање на трошоците за санација и отстранување на последиците од штетата, што значително го олеснува и забрзува процесот на обнова и финансиско закрепнување.

Халк Осигурување ја истакнува важноста од навремено преземање мерки за заштита. Инвестирањето во осигурување на домаќинство не е трошок, туку долгорочна инвестиција за заштита на најзначајното место – домот каде живееме и создаваме.

Преку внимателно дизајнирани полиси и стручна поддршка, Халк Осигурување ја гради сигурноста на секое домаќинство, носејќи заштита и мир во домот на секое семејство.

· Колективно Приватно Здравствено Осигурување 

· Колективно Осигурување од несреќен случај – незгода

Искористете ја нашата стручност и долгогодишно искуство во осигурителниот домен за:

1.Да откриете заедно со нас, зошто осигурителните компании ги одбиваат барањата за рефундација на вашите вработени ?

2.Детално да ги разгледаме сите причини за незадоволство што се јавиле кај корисниците на осигурувањето, дали се оправдани или неоправдани?

3.Што недостига во вашата полиса за осигурување? 

4.Дали сте во тек со актуелностите од осигурителниот пазар во доменот на овие две класи на осигурување?

5.Кои се вашите најголемите придобивки од приватното здравствено осигурување и колективното осигурување од незгода? 

6.Како да ги максимизирате позитивните искуства, односно како да добиете вистинска Value for  the Money

7.Советување за користење на терминологија при пријавување на штети

8.Административно олеснување за компанијата

9.Кои се бенефициите за обезбедување на понуди за осигурување преку брокер

Придружете ни се на опуштена дружба и отворена и непосредна комуникација, ние може да ви ветиме 

· Стручни совети

· Одговор на сите ваши прашања 

· Доедукација и збогатување на вашето знаење

Ве чекаме во среда на 11.03.2026  од 13:00 – 14:00 h во Културниот Информативен Центар на Република Бугарија во Скопје, во близина на хотел “Солун”  во центарот на Скопје.

Ве молам пратете потврден одговор на линкот подоле, како би можеле го верифицираме вашето присуство.

https://docs.google.com/forms/d/e/1FAIpQLSeC9VmzwH7NqnKr6HafTRPbajErAqrft9Au74QYG14qABtduw/viewform?usp=header

Ве охрабруваме да дојдете во проширен состав, заедно со колегите од вашиот тим.

Тимот на М Брокер

За македонската репрезентација од сениорскиот тим на „Макпетрол” на регионалниот шампионат настапија шест спортисти. Две бронзени медали се освоени во поединечните настапи, и два медали во екипниот дел. На Балканското првенство настапија 313 каратисти со 343 натпреварувачки влезови од 11 држави.

Тренерот на „Макпетрол”, Петар Заборски, кој беше и натпреварувач, по турнирот во Бања Лука изјави:

– Сите наши каратисти прикажаа модерно карате и имаа максимална борбеност и желба за успех. Конкуренцијата беше голема и квалитетна, учество земаа многу повеќекратни европски и светски шампиони од балканските држави. Во поединечните настапи, вториот ден од првенството, Јована Мицовска го освои првиот бронзен медал за Македонија во дисциплина борби (-61 кг.). Потоа медали освои и нашата спортистка Викторија Јовановска во истата тежинска категорија. Минатата година на сениорското Балканско првенство во Будва двете спортистки на „Макпетрол” беа во финалето. Една година подоцна двете спортистки освоија бронзени медали. Малку требаше повторно да имаме македонско финале и на ова Балканско првенство – рече Заборски

На настанот присуствуваа претставници на менаџментот на компанијата, при што беше истакнато дека инвестицијата во човечкиот капитал претставува стратешки приоритет за компанијата.

„Со отворањето на Бизнис центарот создаваме структуриран и современ простор кој е целосно посветен на развојот на нашите вработени и унапредувањето на нивните знаења и вештини. Овој центар ќе овозможи систематска реализација на обуки, тренинзи и развојни програми, усогласени со стратешките цели и реалните потреби на компанијата. Веруваме дека континуираната едукација, размената на знаење и унапредувањето на вработените се клучни предуслови за ефикасно работење, поттикнување иновации и обезбедување долгорочен, одржлив раст на „Макпетрол“, изјави Марија Јосифовска-Спасовска, Главен оперативен директор на компанијата.

Со оваа инвестиција, „Макпетрол“ дополнително ја зајакнува својата посветеност кон создавање мотивирачка, едукативна и современа работна средина.

„Макпетрол“, по своето основање пред речиси 80 години, постојано е меѓу компаниите што значително придонесуваат во развојот на македонскиот пазар и на домашната економија. Компанијата тоа го остварува преку производи со врвен квалитет, професионална услуга, како и вработени кои што континуирано го унапредуваат и подобруваат своето знаење. Основа за тоа се инвестициите на „Макпетрол“ во сопствениот тим преку можностите за развој и за напредок.

На 05.02.2026 во Скопје, во организација на издавачот АЦТ! ДОО Скопје, се одржа промоцијата на публикацијата „Коментар на Законот за општата управна постапка“, прв и единствен сеопфатен коментар на еден од најзначајните закони во македонското законодавство.

На настанот беше нагласено дека Законот за општата управна постапка претставува темелен столб на правната сигурност во државата, имајќи предвид дека по овој закон постапуваат сите институции: органите на државната управа, јавните установи, приватниот сектор кога врши јавни овластувања, при одлучување за правата, обврските и правните интереси на граѓаните и правните лица. Неговата доследна и воедначена примена е предуслов за законитост, предвидливост и градење доверба во институциите. Во рамки на Коментарот, секоја одредба од Законот е детално и практично разработена, со насоки за правилна примена и надминување на честите дилеми што се појавуваат во управната практика.

Коментарот е резултат на заедничка работа на тим истакнати автори составен од универзитетски професори, судии, адвокати и државен советник, при што дел од нив учествувале и во изработката на самиот Закон. Авторскиот тим го сочинуваат: д-р Ана Павловска-Данева (уредник), професор и судија на Уставниот суд, д-р Борче Давитковски, професор во пензија, м-р Жарко Хаџи-Зафиров, адвокат, д-р Субхи Јакупи, судија на Вишиот управен суд, м-р Марија Петрова-Блажевска, државен советник во Државната комисија за одлучување во управна постапка, постапка од работен однос и инспекциски надзор во втор степен, и Светлана Костова, судија на Вишиот управен суд.

Во име на издавачот АЦТ! на промоцијата се обрати Гоце Адамчески кој истакна дека ова дело ќе стане референтна точка за правните практичари и ќе остави трајна вредност во македонската правна литература.

Како промотери на книгата се обратија д-р Ана Павловска-Данева, уредник, една од авторите на публикацијата и судија на Уставниот суд,  Горан Минчев, министер за јавна администрација, м-р Панче Тошковски, министер за внатрешни работи, и д-р Јелена Ристиќ, заменик-претседател на Адвокатската комора.

Во своето обраќање, д-р Ана Павловска-Данева говореше за книгата од перспектива на авторите, објаснувајќи зошто Законот за општата управна постапка претставува еден од клучните системски закони во македонското законодавство, имајќи предвид дека неговата примена ја вршат сите институции во државата, како и дел од субјектите од приватниот сектор, граѓаните, коморите, итн. Таа се осврна и на процесот на работа на авторскиот тим, нагласувајќи дека коментарот е создаван низ темелна анализа, координација и усогласување на практичните и теоретските аспекти, со цел да се обезбеди јасна и применлива алатка за правната практика.

Во своето обраќање, министерот Горан Минчев истакна дека ЗОУП е еден од најзначајните системски закони во македонската легислатива, бидејќи ги уредува односите меѓу граѓаните и јавната администрација во сите фази од животот, како и работата на сите државни органи и институции со јавни овластувања. Дополнително, министерот за јавна администрација истакна дека Министерството ја поддржува и ја препорачува публикацијата за широка употреба во јавната администрација, како значаен придонес кон унапредување на квалитетот на управните постапки и услугите кон граѓаните

Министерот за внатрешни работи, м-р Панче Тошковски, истакна дека за ресорот со кој раководи, кој претставува еден од најголемите управни органи во државата, земајќи го предвид обемот на управни постапки што ги води, изработката на ваков труд била повеќе од неопходна. Тој изрази уверување дека Коментарот ќе придонесе за понатамошна професионализација на управната пракса, во согласност со европските вредности и стандарди кон кои како држава се стремиме.

Д-р Јелена Ристиќ посочи дека делото има особено значење и за адвокатите, како застапници на странките во управните постапки, бидејќи претставува сигурна и стручна поддршка во секојдневната работа и во заштитата на правата на граѓаните и правните лица.