Колумна на Ирина Кузевска, дипломиран психолог со дополнителна диплома од едукативниот центар Clear View за Менаџирање со Човечки Ресурси и работно искуство како Регрутер и HR специјалист во The HeadHunter, а подоцна во TIGO Finance.
Работејќи како дел од тимот на ХР со завршен факултет за психологија, запознавав нови луѓе особено при регрутација на дневно ниво. Се запознаваме, разговараме, споделуваме искуства, насмевки, понекогаш делиме визии – сето тоа е многу ЧОВЕЧКО, а Психологијата е научна студија за тоа како луѓето размислуваат, чувствуваат и се однесуваат, а целите на работата и организациската психологија сe „подобро разбирање и оптимизирање на ефективноста, здравјето и благосостојбата и на поединците и на организациите“.
Менаџментот пак е наука за координација на ресурсите на организациите за постигнување на планираните цели. Таму каде што постои личност, психолошките карактеристики што се рефлектираат во нејзината активност се секогаш со него.
Психологија во тимот на Човечки Ресурси е корисна при:
- Регрутација – Примерите вклучуваат осмислување на прашања за интервју што се поставуваат за ставови кон креативно решавање на проблеми, работа како член на тим, создавање вредност за клиентот и одржување на етички стандарди.
- Продуктивност – Вниманието на психолошките проблеми може да ви помогне да ја зголемите продуктивноста додека се грижите за потребите на вработените.
- Тим Билдинг – Од “icebreakers” до социјални настани кои водат до одредено запознавање, може да бидат од бенефит и активности што им помагаат на вашите вработени да се гледаат себеси како дел од група која работи кон заедничка цел.
- Менаџирање со стрес – Примарна причина за загриженост кај повеќето компании денес, и водечка причина за пад на продуктивноста и целокупното ниво на мотивација, е стресот и заморот што се резултат на долгото работно време, што често оди до доцна во ноќта, држејќи ги работниците далеку од своите домови и нивните најблиски, често за подолг временски период. Сосема е разбирливо дека ваквите околности ќе им дадат данок на работниците – и психички и физички – и (за изненадување) психологијата е најдобриот начин за борба против ваквите проблеми. Психолошкото советување, доколку се земе за тоа што е всушност – т.е. високо терапевтска и корисна алатка – и без непотребната социјална стигма околу ова прашање, може да им помогне на работниците да се прилагодат на какви било промени во животната средина и човекот што можат да се појават на работното место.
Додека свеста ја нагласува важноста на индивидуата, позитивното лидерство е инклузивна алатка која зема елементи на модерна психологија и ги применува на работното место. Со охрабрување на организациите да го разберат однесувањето на нивните вработени, наместо да ги натераат луѓето да се прилагодат на системите, системите можат да се прилагодат на нив, намалувајќи го негативниот емоционален отпад.
За авторот:
Ирина Кузевска e дипломиран психолог со дополнителна диплома од едукативниот центар Clear View за Менаџирање со Човечки Ресурси и работно искуство како Регрутер и HR специјалист во The HeadHunter, а подоцна во TIGO Finance.
.
Доколку преземете содржина (статија или оглас) од 24HR задолжително наведете „Извор: 24HR“ на крајот на статијата со hyperlink кој ќе води од преземената содржина. Преземањето на интервјуа не е дозволено. Повеќе за условите за користење е наведено тука.
