.png)
Ако се соочувате со потешкотии при пополнување на слободни работни места во вашиот контакт центар, можеби е време да го подобрите и унапредите брендот на работодавачот.
Терминот „бренд на работодавач“ е релативно нов. Првпат беше дефиниран во Журналот за управување со брендот во 1996 година и тој термин се однесуваше на репутацијата на организацијата како работодавач, а не на нејзиниот севкупен имиџ како создавач на производи и услуги.
Во раните 2000-ти, вработувањето стана клучен предизвик за многу организации, бидејќи многу менаџери почнаа да се соочуваат со недостаток на таленти. Едно истражување од 2014 година откри дека 38% од работодавците имаат тешкотии да пополнат слободни работни места – што е највисок процент од 2007 година . И во 2015 година, 73% од извршните директори изразија загриженост за достапноста на клучните вештини на пазарот за таленти. Всушност, тие го именуваа ова како втора најголема закана за нивниот раст.
Денес, ситуацијата не е многу поразлична. Според една статистика на Glassdoor, дури 86% од вработените и работобарателите го земаат предвид брендот на работодавачот пред да аплицираат на оглас за вработување, а дури 50% од кандидатите не би се вработиле во компанија со лоша репутација. Од друга страна, 9 од 10 вработени би ја променила својата работа за да работат во компанија со подобар корпоративен имиџ. Сите овие статистики заедно покажуваат дека времето кога компаниите ги одбираа вработените е минато бидејќи сега таа улога им припаѓа на кандидатите.
Како треба компаниите да се справат со овој алармантен проблем?
За да се ублажат влијанијата од недостатокот на таленти, брендирањето на работодавач сега почнува да привлекува внимание. Преку овој процес, организациите се промовираат како добар работодавач. Тоа подразбира осмислување стратегии за вработување, дигитален маркетинг, привлекување и регрутирање кандидати и, секако, задржување на вработените.
Ова е нешто што мора да го применуваат и контакт центрите поради големата флуктуација и силната конкуренција на пазарот. Тие мора да ја зајакнат својата репутација како работодавач со цел да ги придобијат најдобрите таленти таму. Единствениот сигурен начин за справување со барањата на клиентите и технологијата што брзо се менува е да работите со луѓе кои ги имаат потребните вештини и знаења. За да го подобрите вашиот бренд на работодавач, еве шест најдобри практики што мора да ги земете предвид.
Бидете јасни во тоа што верувате
Секоја маркетинг порака што ја испраќате како дел од вашата комуникација за брендирање на работодавач мора да ги одразува вредностите и мисијата на вашата компанија. Ова ви овозможува да ја ширите свесноста за брендот, овозможувајќи ви да ги привлечете вистинските луѓе кои ќе стојат зад вашите аспирации. Така, можете да бидете сигурни дека вработените што ќе ги регрутирате се оние кои сакаат да напредуваат со вашата организација со текот на времето. Ова резултира со подобар ангажман на вработените и пониски стапки на атриција.
Размислете за целиот животен циклус при вработување
Повеќето менаџери сметаат дека брендирањето на работодавачот завршува во моментот кога ги вработиле луѓето што ги бараат, но тоа е погрешно. Градењето бренд на работодавач секогаш ќе биде тековен процес. Откако ќе ги воведете вашите целни вработени, следните задачи се да им обезбедите идеална работна средина и да ги направите среќни да работат со вас. Ова е особено важно за контакт центрите, каде повеќето доживуваат високи стапки на атриција. Клучот е да им се овозможат на вработените можности да растат, да преземаат нови улоги и да го остварат целиот опсег на нивната експертиза.
Потпрете се на дигиталните алатки
Ако сè уште не ги користите социјалните мрежи за да го зајакнете брендот на работодавачот, тогаш е време да го направите тоа. Градењето присуство на социјалните медиуми, рекламирање на портали за вработување и вклучување на настани поврзани со вработување ќе ви овозможат да се поврзете со потенцијалните вработени. Дополнително, унапредете ја перцепцијата за вашиот бренд со вистинските маркетинг стратегии со цел поефикасно да ги пренесете вашите пораки.
Поддржете ги различностите
Разновидноста на работната сила станува главен тренд не само во контакт центрите, туку и низ другите индустрии, бидејќи менаџерите почнуваат да го препознаваат како клуч за поголема иновативност. Така, дел од брендирањето на работодавачот мора да биде да промовира инклузија и еднаков третман меѓу вработените без оглед на нивната возраст, пол, култура и религија. Тоа ви овозможува да создадете работна средина во која секој вработен е ценет за тоа што е и што може да придонесе.
Обезбедете одлични бенефити за вработените
Програмата за бенефити на вработените може да ви помогне да привлечете и задржите таленти, и ако е навистина добра, може да ви помогне да ги одржите вработените посветени на компанијата. Програмата за бенефити обезбедува финансиска заштита за вашите вработени и нивните семејства во случај на болести, несреќи и други настани. Ова помага да се зајакне моралот на вработените и ги охрабрува да ги извршуваат своите задачи добро секој ден.
Разберете што ги поттикнува перформансите
Вработените имаат тенденција да се претстават најдобро кога се среќни, но што е тоа што може да ги направи среќни на работното место? Дали е тоа флексибилност, можности за раст во кариерата, конкуренција, стимулации или микс од сето ова? Осигурајте се дека вашата стратегија за ангажирање опфаќа сè што е важно за вашите вработени со цел да ги поттикнете да бидат попродуктивни и посветени на својата работа.
Доколку преземете содржина (статија или оглас) од 24HR задолжително наведете „Извор: 24HR“ на крајот на статијата со hyperlink кој ќе води од преземената содржина. Преземањето на интервјуа не е дозволено. Повеќе за условите за користење е наведено тука.
