Филип Морис Интернешнл (PMI) петта година по ред е прогласен за топ работодавач во светски рамки од страна на холандскиот Институт за врвни работодавци.
Ова признание е еден вид потврда за напредокот штo Филип Морис Интернешнл (PMI) го прави како дел од процесот на трансформација, цврсто позиционирајќи ја компанијата меѓу најпрестижните работодавци во светот со фокус на задоволување на потребите на глобално разновидната работна сила.
„Ние сме горди што сме именувани како една од 16-те меѓународни организации на годинешното глобално сертифицирање „Топ работодавач“, што зборува за нашата постојана извонредност во практиките за управување со човечки ресурси и нашата способност да ги задоволиме потребите на современата работна сила“, изјави Адријан Шутер, глобален раководител на интегрирано управување со таленти. „Визијата на PMI да создаде иднина без консумација на цигари ја поттикна енергијата и страста на нашата работна сила која се состои од 73.500 глобални вработени да застане зад нашите напори да донесеме позитивни промени за возрасните пушачи кои инаку би продолжиле со пушењето и, секако, за целото општество“, додава тој.
Инаку, Институтот за врвни работодавци ги доделува овие признанија проценувајќи ги HR практиките на компаниите во шест димензии: нивната способност да управуваат со стратегијата, обликувањето на трансформацијата, привлекувањето на вработени, развој на работната сила, ангажман на вработени и обединување на вработените преку културата.
Како дел од процесот на сертифицирање, PMI требаше да демонстрира пред независните ревизори за човечки ресурси дека се истакнува во овие шест димензии одговарајќи на 400 прашања поткрепени со докази.
Филијалите на Филип Морис Интернешнл исто така беа признати како водечки работодавци во 44 земји низ Европа, Блискиот исток, Африка и Азија / Пацифик.
Доколку преземете содржина (статија или оглас) од 24HR задолжително наведете „Извор: 24HR“ на крајот на статијата со hyperlink кој ќе води од преземената содржина. Преземањето на интервјуа не е дозволено. Повеќе за условите за користење е наведено тука.
