Колумна на Афродита Кермичиева Пановска – Оперативен HR Менаџер во Teleperformance Germany и одговорна за 3.500 вработени во Германија и во германската групација.
Пандемијата одеднаш демонстрираше колкава е важноста на луѓето во една организација. Како што the Economist одлично го опиша „the importance of people people”.
Секоја организација различно се соочи со кризата во изминативе 14 месеци, но заеднички именител се луѓето. Кај сите организации се промени начинот на работа од денес за утре, значи без најава, без можност за подготовка. Скоро во секоја организација People Management или HR функцијата беше целосно променета. Скоро секаде беше оваа функција многу важна во кризните штабови и беше многу блиску до менаџментот на секоја организација.
Сепак според мене терминот „нова нормала или new normal” доведува до заблуди. Нема такво нешто како нова нормала или нова реалност. Тоа е всушност состојба на постојана, зголемена несигурност. На неа се реагира со агилност. Секако е тоа познато на агилните компании, а тие за жал ги има малку.
Кризата ги забрза трендовите кои всушност беа долго присутни, а беа игнорирани. На пример сегашниот fast forward mode е еден тренд кој трае подолго, а сега излезе на виделина. Тоа значи забрзано експериментирање и учење. Зад „новата нормала„ се кријат различни видови на функции кои се поврзани со луѓето, а кои се многу релевантни.
На прво место според моето искуство од овие 14 месеци се довербата на далечина и мотивацијата во дигитална т.е. виртуелна средина. Потоа флексибилноста на работната сила и прашањата поврзани со работа од дома или хибриден начин на работа. Овде говориме значи за целосен екосистем на ресурси и способности.
Многу важен дел има прашањето на агилност која во оваа криза докажа дека ако се применува може да ја зголеми брзината на работа, на промена, самоорганизацијата, желбата и условите за експериментирање, брзо донесување на одлуки и уште побрзо реализирање на тие одлуки.
Секако дека кризата не е завршена и иднината е уште несигурна. Едно е сигурно, а тоа е дека кризата направи притисок за трансформација на сите организации независно во кој дел од светот се наоѓаат и во која индустрија работат.
Сето ова претпоставува дека People Management или HR функцијата ќе се промени и улогата ќе биде различна. Тоа не е нова улога или функција која допрва треба да се напише. Оваа улога мора да стане одржлива. Сметам дека People Менаџерот може да биде иноватор и визионер во секоја организација, со оглед на фактот што секоја од нив е заснована на луѓе. Таа е двигател на процесите на дигитализација и промени. Понатаму важен дел е data driven начин на работа. Стомакот може да каже што сака, сепак секој професионалец денес мора да донесе одлука заснована на бројки незавосно во која област работи.
Мене лично ми стана јасно дека во вакви ситуации мора да излезам надвор од границите и да го дизајнирам екосистемот “beyond boundaries”. Целиот екосистем на луѓе во една организација е воден од People Менаџерот.
Освен тоа видовме дека се работи во изминативе 14 месеци за „меки фактори„ како солидарност, одржливост, грижа, емпатија и сл. Имплементација на истите е голема трансформација која не може да биде реализирана без соодветен агилен тим и слобода на експериментирање.
Како е поставена улогата на People Management функцијата во една организација така ќе биде и успехот на справување со кризи. Сепак луѓето се тие кои ги извршуваат работите или ги управуваат роботите доколку процесите се автоматизирани. Сите треба да бидеме отворени за неизвесноста која доаѓа.
За авторот:
Афродита Кермичиева Пановска, MBA е Prince2® Agile Practicioner и Enterprise Design Thinking Practicioner со повеќегодишно искуство во Talent и Project Management. Во моментов е Оперативен HR Менаџер во Teleperformance Germany и одговорна за 3.500 вработени во Германија и во германската групација.
Доколку преземете содржина (статија или оглас) од 24HR задолжително наведете „Извор: 24HR“ на крајот на статијата со hyperlink кој ќе води од преземената содржина. Преземањето на интервјуа не е дозволено. Повеќе за условите за користење е наведено тука.
