НЛБ Банка како општественo одговорна компанија и како финансиска институција којашто води со пример во управувањето со прашања поврзани со одржливоста и ESG, грижата за животната средина и намалувањето на отпадот во Македонија, вчера се приклучи кон инцијативата „Донирај Компјутер“ преку донација на 358 половни персонални компјутери, кои понатака ќе се донираат на лица и семејства во социјален ризик. Според Борче Стаменов, основачот на инцијативата „Донирај Компјутер“, ова е најголемата донација на компјутери која ја добиле од нивното основање!
Целта на оваа активност е да се поттикне дигиталната инклузија и да се обезбеди пристап до технологија за лица и семејства кои се во социјален ризик, но и да се заштити животната средина преку намалување на електронскиот отпад.
Преку донацијата, НЛБ Банка не само што ги рециклира и им дава „втор живот“ на старите ресурси, туку активно ја гради иднината на многу семејства.
Иницијативи од овој вид за нас претставуваат мост меѓу бизнис секторот и социјалната правда – пример за заедничка одговорност и грижа.
