Во последниве години, зборот „бенефиции“ стана задолжителен дел од секој оглас за работа. приватно здравствено осигурување, животно осигурување, дополнителни слободни денови, широк асортиман на пијалоци за пауза, тим билдинзи, спортски активности, попусти, па дури и масажи на работното место.
Но дали сето тоа навистина ја прави разликата? Вработените сè помалку се воодушевуваат од општи решенија, а сè повеќе од гестови што покажуваат дека некој размислил токму за нив, нешто лично, нешто што има смисла и е наменето токму за нив.
Се чини дека денешните вработени не бараат повеќе „перкови“, туку повеќе смисла и фер третман. Истражувањата на глобално ниво, а и искуствата на локалниот пазар, покажуваат дека луѓето најмногу ги мотивираат три нешта: флексибилност, признание и персонализиран пристап.
Флексибилноста не значи само работа од дома, туку доверба и слобода во начинот на кој секој го организира своето време. Признанието, пак, е онаа едноставна, но често заборавена компонента што им дава смисла на напорите што ги вложуваме секој ден. А персонализацијата, можеби најновиот тренд во HR, покажува дека вработените сакаат нивниот труд да биде препознаен на начин кој им одговара лично ним.
Во таа насока, сè поголем број компании бараат начини да ги направат наградите пофер и попрактични. Наместо класични подароци или универзални решенија, многу HR тимови се одлучуваат за модели што им даваат избор на вработените. Едно такво современо решение се дигиталните картички за подарок кои претставуваат едноставен начин да се понуди вредност, а секој сам да избере што му е навистина потребно.
Преку платформи како GiftCards, компаниите можат лесно да доделуваат награди без дополнителна администрација, додека вработените добиваат чувство на признание и доверба. Овој пристап е во склад со новата HR филозофија: наградување што е транспарентно, флексибилно и човечко.
На крајот, прашањето не е само „кои бенефиции ги нудиме“, туку „како тие ги прават нашите луѓе да се чувствуваат вреднувани“. Бенефициите што имаат најголемо влијание не се оние што најмногу чинат, туку оние што создаваат чувство на припадност.
Доколку преземете содржина (статија или оглас) од 24HR задолжително наведете „Извор: 24HR“ на крајот на статијата со hyperlink кој ќе води од преземената содржина. Преземањето на интервјуа не е дозволено. Повеќе за условите за користење е наведено тука.
