Со повеќе од 20 години присуство на македонскиот пазар, компанијата Sport Life многу пати покажала дека е општествено одговорна, подготвена да донесе насмевки кај многу луѓе, млади и стари.
Традиционално, секоја година, Sport Life организира Junior day посветен за децата на вработените во компанијата. Тоа е денот кој најмладите и најмногу го сакаат, но и денот за кој потоа прераскажуваат и зборуваат во текот на целата година.
Оваа година, акцентот се стави на тоа, летото и распустот да го го испратиме на најубав можен начин, со дружба во Аqua park во Пробиштип. Со организиран превоз, повеќе од 300 деца и родители тргнаа во авантурата со водените лудирии кои ги нуди најубавиот и напознат Аква парк во Македонија.
Целодневно водено уживање, предизвици да се пробаат сите тобогани, да се ужива во „мрзливата река“, како и уживање во диско ритамот и забавата кој ја направи Ди Џеј Боно. Сето тоа беше „зачинето“, со многу освежителни пијалоци, сендвичи, пици, сладоледи, како и многу други слатки и солени закуски.
Едноставно Sport Life уште еднаш покажа и потврди дека се грижи за сите вработени во фирмата, но и за нивните најмили, за децата. Прекрасниот ден поминат во Аqua park во Пробиштип ќе се памти се до следниот голем предизвик и изненадување кое со нетрпени го очекуваат децата.
Доколку преземете содржина (статија или оглас) од 24HR задолжително наведете „Извор: 24HR“ на крајот на статијата со hyperlink кој ќе води од преземената содржина. Преземањето на интервјуа не е дозволено. Повеќе за условите за користење е наведено тука.
