Ирците ќе добијат законско право да изберат дали сакаат да продолжат со работа од дома и по крајот на пандемијата.
Вработените во Ирска ќе имаат право да бираат помеѓу работа во канцеларија и работа од дома. Тоа е предвидено во новиот закон кој на вработените во земјата ќе им даде право да побараат од нивниот работодавач да им дозволи да работат од дома.
Новиот закон, кој е дел од пошироката Националната стратегија за работа од далечина, исто така предвидува и таканаречено „право на исклучување“, изградба на далечински работни центри, ревидирање на даночниот третман и можно забрзување на Националниот план за широкопојасен интернет.
Како што објави „Ириш Тајмс“, целта на владата е 20% од вработените во јавниот сектор да работат од далечина.
Стратегијата на Ирска вклучува и планови за зајакнување на правата и одговорностите на работодавците и вработените, како и за обезбедување на потребната инфраструктура за работа од далечина.
Новото законодавство ќе биде подготвено до крајот на септември, а истото ќе им дозволи на вработените да бараат аранжмани за работа до дома.
Иако тие автоматски немаат право на договор за работа од далечина, законското решение ќе бара од работодавачот да даде образложен одговор зошто не може да го дозволи тоа.
Во случај вработениот да не биде задоволен од добиеното образложение, тој или таа ќе може да поведе случај пред Комисијата за работни односи.
Доколку преземете содржина (статија или оглас) од 24HR задолжително наведете „Извор: 24HR“ на крајот на статијата со hyperlink кој ќе води од преземената содржина. Преземањето на интервјуа не е дозволено. Повеќе за условите за користење е наведено тука.
