Кои се вашите најголеми предизвици кога работите од далечина и како ги надминувате?
Далечинското работење доаѓа со свои предизвици (на пример: пронаоѓање на тивок простор за работа или борба со повременото чувство на осаменост) па затоа барајте вработени кои имаат стратегија за спречување на ваквите проблеми кои може да влијаат врз нивната работа.
Како се справувате со дистракции?
Голем дел од вработените кои работат од дома може да наидат на повеќе дистракции отколку во канцеларија. Дистракциите се главен убиец на продуктивноста па затоа е важно вработените да имаат развиено ефективни техники кои ќе им помогнат да останат фокусирани на работата.
Како останувате оптимистични и позитивни за време на вашиот работен ден?
Негативното расположение може да доведе до пониски когнитивни перформанси и намалување на способноста за креативно размислување. Идеалниот кандидат треба да има развиено стратегија за минимизирање на ефектите од променливото расположение врз неговата продуктивност.
Што правите кога имате некое прашање, но вашиот тим е офлајн?
Ако членот на тимот се наоѓа во различна временска зона, тогаш тој може да наиде на проблем кога никој друг не е онлајн за да му помогне. Барајте кандидати кои се снаодливи и имаат развиено план за справување со различни сценарија. Тие, исто така, треба да покажат способност за проценување на тежината и итноста на проблемот за да можат соодветно да реагираат.
Дали може да кажете пример кога сте преземале иницијатива на работа?
Членовите на оддалечениот тим треба да работат автономно со минимален надзор. Затоа, важно е да одберете кандидати кои се водени да постигнуваат резултати. Ова прашање ќе ви помогне да ги идентификувате самоиницијативните кандидати кои се подготвени да преземат иницијатива и да истрчаат екстра милја. Овие вработени, исто така, имаат тенденција да бидат посамоуверени, што честопати ги прави попродуктивни и покреативни.
Работата од дома станува сè повеќе и повеќе вообичаена. Затоа е важно HR менаџерите и регрутерите да знаат што точно да бараат во потенцијалните кандидати. Прашањата наведени погоре ќе ви помогнат да ги пронајдете вистинските вработени кои можат да придонесат за успехот на вашиот бизнис, дури и од далечина.
Доколку преземете содржина (статија или оглас) од 24HR задолжително наведете „Извор: 24HR“ на крајот на статијата со hyperlink кој ќе води од преземената содржина. Преземањето на интервјуа не е дозволено. Повеќе за условите за користење е наведено тука.
