На неодамнешната анкета на интернет-порталот vrabotuvanje.com.mk, „Макпетрол“ се најде на првата позиција како најпосакуван работавач меѓу нафтените компании во земјава. Половина од испитаниците се изјасниле дека доколку би требало да се вработат во овој бизнис-сектор, прв избор би им бил „Макпетрол“.
Според дел од коментарите, „Макпетрол“ е најстабилна компанија во која се почитува законот за работни односи и платата е солидна.
– „Отсекогаш биле услужливи, коректни кон клиентите и колку што сум видел секогаш владее солидна комуникација помеѓу вработените. Би прифатил да работам веднаш“ – се истакнува во анкетата на vrabotuvanje.com.mk.
Следејќи ја долгогодишната стратегија, „Макпетрол“ и изминатава година на вработените им овозможи професионално да напредуваат и да се развиваат. Светската пандемија креира вонредни услови на функционирање, но и покрај тоа, компанијата обезбеди нови вработувања за 150 лица.
Доколку преземете содржина (статија или оглас) од 24HR задолжително наведете „Извор: 24HR“ на крајот на статијата со hyperlink кој ќе води од преземената содржина. Преземањето на интервјуа не е дозволено. Повеќе за условите за користење е наведено тука.
