Во време кога работната средина станува сè подинамична и понагласено влијае на менталното и физичкото здравје на вработените, компаниите почнуваат да ја препознаваат важноста на холистички пристап кон добросостојбата.
Еден од пионерите во оваа област кај нас е Влатко Милчевски, физиотерапевт со над 17 години искуство и основач на My Spa – бренд кој се издвојува по персонализираните масажни услуги на работно место и во домот, бренд кој се издвојува по персонализираните масажи на работно место,во домот и нивното студио. Разговараме со него за тоа како масажите стануваат дел од корпоративната култура, какви ефекти има врз продуктивноста и моралот на вработените и кои се клучните чекори за компаниите што сакаат да инвестираат во вистинска велнес програма.
Подготвувајќи се за овој разговор забележавме дека My Spa започна од едно верување дека секој заслужува да се чувствува најдобро. Како се роди идејата за мобилна масажа и што ве поттикна да го трансформирате класичниот концепт на масажа во персонализирана услуга за дом и канцеларија?
Точно така, сè започна од едно просто, но силно верување: дека секој човек заслужува момент за себе, момент на мир, опуштање и вистинска грижа. Идејата за мобилна масажа се роди од потребата на модерниот човек кој живее брзо, под стрес, и ретко наоѓа време за себе. Затоа решивме да го донесеме спа-искуството таму каде што е најудобно – во домот.
Идејата за корпоративните масажи дојде природно, како продолжение на нашата мисија, а тоа е да го направиме wellbeing-от достапен таму каде што е најпотребен. Работното место е често извор на стрес, напнатост и физички замор. Се соочивме со сè повеќе компании кои бараат начини да ја подобрат атмосферата, мотивацијата и менталната состојба на своите тимови. Токму затоа креиравме услуги што се практични, ефикасни и лесно се интегрираат во работниот ден без да го нарушат процесот, а сепак со големо влијание.
Со редовни канцелариски масажи и специјализирани wellbeing работилници, компаниите инвестираат во највредното што го имаат – луѓето. Ова не е само бенефит, туку алатка за градење поздрави, посреќни и пофокусирани тимови. Кога вработените чувствуваат дека некој се грижи за нивната добросостојба, резултатите зборуваат сами за себе: помал стрес, помал број на отсуства и поголема продуктивност.
Но, паралелно со мобилните услуги, развивме и професионално студио каде што нудиме персонализирани масажи со индивидуален пристап кон секој клиент. Простор кој е тивок, модерен и дизајниран да овозможи комплетно спа-искуство. Клиентите можат сами да одберат дали сакаат комфор дома, практичност во канцеларија, или целосно повлекување и релаксација во нашето студио.
Компаниите сè повеќе го препознаваат стресот како „тивок непријател“ во работната средина. Како масажата може да помогне во борбата против хроничен стрес и замор кај вработените?
Стресот навистина стана дел од секојдневието – тивок, постојан и потценет. Кај вработените, тој се манифестира како замор, раздразливост, губење концентрација и намалена продуктивност. Тука масажата не е луксуз, туку алатка за одржување на балансот
Преку ослободување на физичката напнатост и активирање на парасимпатичкиот нервен систем, масажата го намалува нивото на кортизолот (хормон на стрес) го подобрува протокот на крв и создава чувство на длабока релаксација и ослободување. Дури и кратки сесии во текот на работниот ден можат да направат голема разлика при што вработените излегуваат посмирени, присутни и пофокусирани.
Во време кога burnout-от станува сè почеста појава, масажата е практична, природна и ефикасна алатка за превенција. А кога компанијата ја нуди како дел од работната култура, тоа испраќа силна порака – дека здравјето и добросостојбата не се споредна тема, туку приоритет.
Организацијата на масажа во канцеларија звучи едноставно, но бара сериозна логистика. Можете ли да ни опишете како тече целосниот процес – од контакт со клиентите-компании до самата изведба на терен?
На прв поглед, масажа во канцеларија може да изгледа како едноставен концепт, но зад сцената стои добро испланирана и прецизно изведена логистика. Нашата цел е клиентот да не се грижи за ништо – ние се грижиме за сѐ.
Процесот започнува со иницијален контакт – обично преку емаил или телефон, каде што компанијата ни ги кажува своите потреби: бројот на вработени, времетраење на масажите,буџет и колку често, и каков простор имаат на располагање. Врз основа на тоа, ние креираме предлог-план со времетраење, динамика.
Потоа следи организацискиот дел – доставуваме детален предлог и распоред, ги координираме термините со одговорно лице од компанијата (доколку е голема компанија имаме и дигитална платформа кадешто вработените сами си закажуваат термин) и испраќаме професионален тим на физиотерапевти со целосна опрема: масажни столици/кревети, дезинфекциски материјали, музика, амбиентално осветлување па дури и ароматерапија доколку се бара. Сѐ е мобилно и прилагодливо.
На терен, сесиите течат со максимална почит кон работниот процес – без бучава, без метеж, и секогаш со фокус на квалитетот и професионалниот пристап на масажата кон клиентите. По завршувањето, добиваме повратни информации од вработените и менаџментот – за нас тоа е клучно, затоа што секоја следна сесија ја правиме уште подобра.
На крај, целиот процес е дизајниран да биде едноставен за клиентот, а моќен во резултатите.
Најголемиот комплимент е кога компанија што првично пробала „само еднаш” станува редовен клиент. Тогаш знаеме дека сме погодиле вистинска потреба.
Не постои универзално решение кога станува збор за болка, тензија или релаксација и секој човек е различен како во толеранцијата на болка така и во нејзиното третирање. Како терапевтите на My Spa го прилагодуваат третманот според индивидуалните потреби на секој вработен?
Одлично прашање – ја отвора суштината на пристапот што My Spa го има кон секој клиент.
Во My Spa веруваме дека телото зборува, само треба да знаеме како да го слушаме. Не постои едно решение што функционира за сите – болката, тензијата и потребата за релаксација се исклучително индивидуални. Некој има хронична напнатост во рамениците и вратот, друг чувствителност во долниот дел од грбот, а некој едноставно сака лесна, смирувачка масажа по напорна недела.
Нашите физиотерапевти не пристапуваат со однапред дефиниран шаблон – туку секогаш го започнуваат третманот со кратка, насочена консултација со клиентот. Тоа може да трае само 1-2 минути додека се одвива загревањето на телото, но е доволно за да се постават вистинските очекувања: каде има болка, дали има чувствителни зони, какво темпо и притисок се преферираат, и дали постои претходна медицинска состојба што треба да се има предвид и да се третира.
Целта ни е да не правиме „копи-пејст“ (еднолични) масажи, туку да изградиме доверба и резултат – третман што е прилагоден, фокусиран и ефикасен. Тоа е разликата помеѓу само да се допре телото, и навистина да му се помогне.
Работите со респектабилни клиенти како А1, НЛБ, училиштето NOVA, Skopje City Mall, Пивара Скопје, Реплек, итн. Какви се повратните информации што ги добивате и што според вас ги убедува HR тимовите да се одлучат за оваа програма?
Навистина имаме чест да соработуваме со респектабилни компании како Македонски Телеком, Реплек, НЛБ, NOVA, Skopje City Mall, Пивара Скопје, амбасадата на САД и многу други – организации кои сериозно ја сфаќаат грижата за своите вработени. Повратните информации што ги добиваме се извонредни, и тоа не само од вработените, туку и од HR тимовите. Луѓето веднаш го чувствуваат ефектот – не само како физичко олеснување, туку и како психолошка поддршка во рамките на работниот ден.
Она што ги убедува компаниите да станат дел од оваа програма е токму балансот што го нудиме – професионалност + едноставност во изведбата. Без прекин на работниот процес, без сложена логистика, а со ефект што се чувствува веднаш. Програмата изгледа лесна, но зад себе има искуство, структура и тим што знае како да се вклопи во секој корпоративен амбиент.
Дополнително, транспарентната комуникација, флексибилните договори и можноста за долгорочна соработка со вклучени работилници, ја прават оваа програма не само атрактивна, туку и стратегиски паметна одлука за секој HR тим што размислува долгорочно
Не секоја компанија веднаш го прифаќа концептот на велнес во работниот простор. На што најчесто се „сопнуваат“ организациите пред донесувањето на одлука за ваков тип на услуга – дали е тоа логистика, скепса, буџет…?
Разбирливо е што не секоја компанија веднаш се одлучува за воведување на велнес програма на работното место. Најчестите причини за двоумење се: логистиката, скепсата околу ефектот, и секако, буџетските ограничувања.
Некои организации мислат дека ќе биде комплицирано да се спроведе – дека ќе одземе време, простор или ќе го наруши работниот ритам. Други се прашуваат дали ова е нешто што навистина им треба, или само моментален тренд, И да – буџетот секогаш е фактор, особено кога се работи за нешто што не е класично “мерливо” на прв поглед.
Ние го разбираме сето тоа – токму затоа нашиот пристап е да понудиме флексибилни решенија: без долгорочни обврски на почеток, со можност за пробна сесија, и со целосна поддршка околу организацијата. Целта ни е да покажеме дека ова може да биде лесно, практично и реално применливо.
Нашата задача не е само да понудиме услуга, туку и да помогнеме компанијата да ја види пошироката слика: дека wellbeing-от не е луксуз, туку дел од одржливата и модерна работна култура.
Кој е вашиот совет за оние компании што сакаат да инвестираат во добросостојба, но не знаат од каде да почнат?
Нашиот совет е едноставен: почнете малку, но почнете сега. Не е потребно веднаш да се имплементира цела wellbeing програма – доволно е да се направи првиот чекор и да се слушнат потребите на вработените. Тоа може да биде пилот-сесија со масажи, кратка работилница за справување со стрес, или дури и едноставна анкета за да се разбере што им недостига на луѓето.
Она што е важно е иницијативата – сигналот што го испраќа компанијата: „Вашето здравје и добросостојба ни се важни.“ Тоа создава доверба, лојалност и мотивација која не може да се купи со бонуси или извештаи.
Во My Spa често работиме токму со компании што сакаат да започнат, но не знаат како. Затоа сме тука – да помогнеме со идеи, структура и практични решенија кои се прилагодени на капацитетите и динамиката на секоја организација. Велнес културата не се гради преку ноќ, но секој чекор напред прави разлика.
И за крај еден совет од мене (нас): Создадете култура каде што секој сака да биде дел од тимот – не затоа што мора, туку затоа што сака.
Таму се раѓа вистинската енергија, прогресот и тимската сила што ја движи компанијата напред.
Доколку преземете содржина (статија или оглас) од 24HR задолжително наведете „Извор: 24HR“ на крајот на статијата со hyperlink кој ќе води од преземената содржина. Преземањето на интервјуа не е дозволено. Повеќе за условите за користење е наведено тука.
