Fortune го објави своето годишно рангирање на најдобрите компании за работа во 2022 година.
На листата со 100 најдобри компании за работа во 2022 година, изработена од Fortune, се најдоа компании кои ја приоретизираат благосостојбата на вработените и имаат инклузивна култура, цел и грижа и емпатија за својата работна сила.
Податоците беа собрани од Great Place to Work, оценувајќи над 870.000 анонимни одговори преку анкетирање на вработените.
„Начинот на менаџирање во најдобрите компании никогаш не бил поважен“, изјави за Fortune Мајкл Ц. Буш, извршен директор на Great Place to Work, компанија која ја оценува културата на работното место.
„Додека работниците се борат со големата оставка, исцрпеноста и прекините поради КОВИД, овие исклучителни компании нудат искуство на работното место кое е исто толку силно како и пред пандемијата“, додава тој.
Ова се 10 „Најдобри компании за работа“ на Fortune во 2022 година.
- Cisco
- Hilton
- Wegmans Food Markets, Inc.
- Salesforce
- NVIDIA Corporation
- Accenture
- Rocket Companies
- American Express
- David Weekley Homes
- Capital One
Ова е втора година по ред каде Cisco го зазема првото место на оваа листа. Fortune вели дека врвните компании имаат способност да се прилагодат на промените, да го поддржуваат личниот и професионалниот живот на вработените.
Истражувањето покажа дека скоро 90% од вработените во овие компании се чувствуваат како да можат да бидат свои, наспроти само 64% на други работни места.
Нивните ресурси за целокупната благосостојба на вработените се зголемија. Тие ги проширија програмите за ментално здравје, грижата за стари лица и поддршката за децата на вработените. Дополнително, тие обезбедија поддршка за време на пандемијата КОВИД-19 со финансиска и професионална помош, вели Fortune.
Во едно истражување, вработените во најдобрите 100 компании рекоа дека се чувствуваат како компаниите да се грижат за нивната благосостојба и потреби:
- 9 од 10 силно би го препорачале нивното работно место на пријателите и семејството;
- 9 од 10 се чувствуваат дека некој се грижи за нив;
- 4 од 5 вработени се чувствуваат психолошки и емоционално здрави;
- 4 од 5 со нетрпение очекуваат да дојдат на работа;
- 4 од 5 наоѓаат значење на нивните работни места.
Доколку преземете содржина (статија или оглас) од 24HR задолжително наведете „Извор: 24HR“ на крајот на статијата со hyperlink кој ќе води од преземената содржина. Преземањето на интервјуа не е дозволено. Повеќе за условите за користење е наведено тука.
