Во НЛБ Банка постојано инвестираме во развојот на нашите вработени, бидејќи веруваме дека знаењето е највредниот капитал. Создаваме работна средина каде учењето не е обврска, туку можност за личен и професионален раст, како и за развој на компетенции што одговараат на предизвиците на современото банкарство.
Токму затоа на нашите вработени им овозможуваме бесплатен пристап до илјадници обуки на платформата за електронско учење Udemy, од технологија и вештачка интелигенција, до бизнис и личен развој.
Резултатите за 2025 година се импресивни:
-413 активни учесници;
-6.852 часови инвестирани во знаење;
-441% раст во однос на претходната година со особено голем интерес за обуки за ChatGPT и Excel.
Но бројките се само дел од приказната. Вистинската вредност е во љубопитноста што станува експертиза, дисциплината што станува рутина и знаењето што веднаш наоѓа примена во работата.
Со особена гордост ги претставуваме нашите тројца најуспешни учесници за 2025 година:
Елена Милошевска Петровска – Финансиски аналитичар во Евалуација и контрола;
Иван Паневски – Советник за човечки ресурси во Човечки ресурси и организација и
Мила Камчева – Правник во Правен консалтинг.
Кога инвестираме во знаење, инвестираме не само во себе, туку и во целиот тим. Заедничкиот раст, љубопитноста и дисциплината што ги покажуваат нашите колеги се нашата најголема победа.
