Огласите за позиции од областа на човечките ресурси бележат раст, покажуваат анализите на сајтот за вработување Indeed.com
Растечки тренд бележат огласите за вработување во човечки ресурси како што нивниот број е зголемен за 52.5% во споредба со нивото пред пандемијата.
Тоа е далеку повеќе од просечниот пораст на нови работни места во HR индустријата кој изнесува 30.5% според податоците на сајтот за вработување Indeed.com.
Причина за ова е фактот што компаниите ги зајакнуваат своите оддели за човечки ресурси како што се подготвуваат за враќање на својата работна сила во канцеларија.
Според Indeed.com, компаниите ќе се соочат со два масовни предизвици во следниот период.
Првиот е спознавањето на вистинскиот баланс помеѓу работата во канцеларија и работата од дома кој најдобро функционира за нивната работна сила, а вториот е пополнување на слободните работни места на вработени кои одлучиле да ја променат работата или да дадат отказ.
И двата проблеми бараат професионалци за човечки ресурси за да бидат решени.
„Компаниите бараат експерти за далечинска работа за да им помогнат на менаџерите во сетирање на хибридни работни места и оддалечени тимови, а тие бараат експерти за регрутација и ангажирање за брзо и ефикасно пополнување на работни места“, вели економистот на Indeed.com, ЕнЕлизабет Конкел.
Доколку преземете содржина (статија или оглас) од 24HR задолжително наведете „Извор: 24HR“ на крајот на статијата со hyperlink кој ќе води од преземената содржина. Преземањето на интервјуа не е дозволено. Повеќе за условите за користење е наведено тука.
