Колумна на Трајанка Ќимова – специјалист за човечки ресурси
Во тимовите каде што луѓето молчат, креативноста умира. Психолошката безбедност е најголемиот луксуз што ретко кој го признава, но без неа – секој резултат останува само илузија.
Замислете тим каде што никој не се осмелува да каже дека нешто не разбира.
Сите молчат, климаат со глава и продолжуваат по старо.
На прв поглед – хармонија.
Во суштина – култура на страв.
Во многу компании денес, психолошката безбедност е poredok ресурс од било кој бенефит. А токму таа е условот без кој нема вистинска доверба, креативност и учење.
Што значи психолошка безбедност?
Тоа е чувство дека можеш да зборуваш, да поставиш прашање или да предложиш нешто без страв дека ќе бидеш игнориран, понижен или казнет.
Како изгледа средина без неа?
– Никој не признава грешки
– Луѓето не поставуваат прашања
– Тишина на состаноци
– Енергијата и иницијативата исчезнуваат
Зошто е толку важна?
Истражувањата на Google покажаа дека тимовите со висока психолошка безбедност имаат:
- Поголема иновација
- Повеќе храброст да пробаат нови идеи
- Помал тек на вработени
- Побрз напредок
Кој ја создава?
Лидерот. Со сопствениот пример. Со прашања како:
„Што мислиш ти?“
„Како можеме да направиме подобро?“
„Која поддршка ти е потребна?“
Психолошката безбедност не е луксуз.
Таа е темелот без кој секој процес останува само добра замисла на хартија.
- Трајанка Кимова
Human Resources | Employee Experience | Organizational Culture
