Трајанка Кимова–Специјалист за човечки ресурси
Секое утро кога ја отвораш вратата на канцеларијата, атмосферата веќе ја раскажува својата приказна.
Не се работи само за задачи и рокови туку за енергијата во просторијата.
Некои се насмевнуваат, но зад очите се кријат амбиции и несигурности.
Други зборуваат благо, но со зборовите ја контролираат динамиката.
Манипулации, пристрасности, тензија сето тоа како невидлива струја се шири низ тимот.
Некои ја користат позицијата за лични интереси.
Други молчат, се повлекуваат и дозволуваат токсичноста да владее.
Ти гледаш. Чувствуваш. Се прашуваш: кој сум јас во оваа приказна?
Дали молчам и дозволувам негативноста да се шири?
Дали се повлекувам, дозволувајќи личните интереси да ја дефинираат културата?
Или избирам интегритет, почит и професионалност дури и кога е потешко?
Културата не се гради само со индивидуални избори.
Потребен е менаџер зрел, свесен и праведен, кој ја дефинира атмосферата со својот интегритет и здрав разум.
Но ако менаџерот не знае како да препознае манипулации или токсични практики, постои решение образование и свесност.
Да им се даде можност на оние кои манипулираат да станат свесни за своето однесување и да научат како да станат луѓе пред сe.
Бидејќи не секој што нанесува штета е злонамерен некои едноставно не знаат поинаку.
И токму затоа, вистинското лидерство почнува со учење и личен раст.
Секојдневните избори, малите постапки и конструктивните разговори тоа е што ја гради културата.
Кога менаџерот води со интегритет и свесност, и сите во тимот учат и растат, секој предизвик станува можност.
Довербата се гради, креативноста цвета, а луѓето сакаат да придонесуваат и да растат.
На крајот, секој од нас носи дел од светлината што ја гради културата.
Прашај се: Дали сум дел од решението или дел од проблемот?
Секојдневните избори со почит, интегритет и професионалност ја осветлуваат средината.
Со зрел, свесен и обучен менаџер и тим што учи и се поддржува, организацијата станува двигател на здрави односи, доверба и долгорочен успех. Светлината во тимот не доаѓа од еден човек, туку од заедништвото меѓу луѓето кои избираат да се однесуваат свесно.
Кога секој член станува чувар на културата, организацијата не мора да гаси пожари таа создава светлина.
А вистинската светлина не заслепува, туку осветлува пат за сите.
Трајанка Ќимова
Специјалист за човечки ресурси
Трајанка е искусен HR професионалец со повеќегодишно искуство во стратешко управување со човечки ресурси и развој на таленти. Посветена е на транспарентност и фер практики на пазарот на труд.
Доколку преземете содржина (статија или оглас) од 24HR задолжително наведете „Извор: 24HR“ на крајот на статијата со hyperlink кој ќе води од преземената содржина. Преземањето на интервјуа не е дозволено. Повеќе за условите за користење е наведено тука.
