Едно истражување направено на 2.000 работници на возраст од 18-41 година ни откри што тие ценат кога станува збор за нивните кариери, вклучувајќи ја и способноста да запознаваат нови луѓе, и да понудат добра рамнотежа помеѓу работата и приватниот живот.
78 отсто од вработените во истражувањето објавено на порталот HR News признаа дека недостатокот на социјална интеракција би бил клучен фактор за промена на работното место.
Всушност, 25 отсто од 18-41-годишниците размислувале да ја сменат работата во изминатата година поради загриженост за нивното ментално здравје.
Но, постои и голема генерациска поделба, бидејќи 18 отсто од Генерaцијата Z става приоритет на флексибилноста, додека 34 отсто од Милениумците сметаат дека високата плата е важна.
38 отсто од Генерацијата Z, исто така, го ценат работодавецот кој се залага за различност, правичност и вклученост, додека 29 отсто од Милениумците најмногу го ценат работодавецот кој се залага за одржливост.
Ова истражување покажува дека пандемијата го смени начинот на кој размислуваме на работата, а исто така, покажа дека добрата рамнотежа помеѓу работата и приватниот живот е клучна причина зошто 39 отсто од Милениумците и Генерацијата Z одлучуваат да останат на нивните сегашни улоги.
Според истражувањето ова се 10 најважни бенефити на работното место:
1. Стабилност на работата (54 проценти)
2. Можноста за дополнителна заработка (50 проценти)
3. Флексибилни работни аранжмани (41 отсто)
4. Силни политики за ментално здравје и благосостојба (36 проценти)
5. Препознавање на перформансите (35 проценти)
6. Различност и вклученост на работното место (34 проценти)
7. Политики за родителско отсуство (33 проценти)
8. Социјална интеракција на работното место (33 проценти)
9. Големи можности за развој на кариера (32 проценти)
10. Организацијата има силни политики за социјални и еколошки прашања (31 процент)
Доколку преземете содржина (статија или оглас) од 24HR задолжително наведете „Извор: 24HR“ на крајот на статијата со hyperlink кој ќе води од преземената содржина. Преземањето на интервјуа не е дозволено. Повеќе за условите за користење е наведено тука.
