Од следниот месец, за првпат кај нас, 30 менаџери од водечки компании во земјава ќе поминат низ напредна обука за управување со човечки капитал, во организација на Тривити. Тренингот е наменет за топ менаџери, менаџери на сектори, ХР менаџери, како и сопственици на компании кои во своето работење се соочуваат со предизвикот на привлекување, развој и задржување на вработени.
Управување со човечки капитал (Human Capital Management) се однесува на стратешкиот пристап кој го преземаат организациите за да управуваат и да ја максимизираат вредноста на нивната работна сила како највреден и најценет ресурс. Опфаќа збир на практики, процеси и стратегии насочени кон привлекување, развивање, ангажирање и задржување на талентирани вработени градејќи ги нивните вештини, знаења и способности за остварување на целите и задачите на организацијата.
Програмата ќе ја водат икусни професионалци од тимот на Тривити, а ќе биде збогатена со присуство и поддршка на гости говорници, кои во текот на шест сесии ќе го пренесуваат своето релевантно знаење и искуство на учесниците.
„Со реализација на програмата, менаџерите ќе се обучат според современите светски методи, кои ќе им овозможат вештини и знаења кои се неопходни за позитивна трансформација во рамки на својата организација и ќе поттикнат сериозен развој на краток, но и на долг рок.“ вели Дејан Ваневски – партнер на Тривити и еден од предавачите на обуката.
„Реализирањето на оваа тренинг програма уште еднаш ја нагласува нашата посветеност да ги препознаеме вработените како највреден ресурс на секоја организација и да ги поттикнеме компаниите да се посветат на подобрување на развојот и растот на своите вработени. Ова, несомнено ќе резултира со зголемена продуктивност, иновативност и подобри резултати за компаниите, но истовремено и благосостојба, задоволство и сатисфакција кај вработените.“ – дополнува Поликарп Арсеноски, предавач и ко-сопственик на Тривити.
Оваа активност е ко-финансирана од Владата на Швајцарија преку Програмата за зголемување на пазарната вработливост – ИМЕ и Тривити.
Доколку преземете содржина (статија или оглас) од 24HR задолжително наведете „Извор: 24HR“ на крајот на статијата со hyperlink кој ќе води од преземената содржина. Преземањето на интервјуа не е дозволено. Повеќе за условите за користење е наведено тука.
