Ако штотуку ја започнувате вашата HR кариера или сакате да ја промените позицијата или индустријата во која работите, може да се чувствувате ограничени поради недостаток на искуство. Сепак, секој професионалец бил на иста позиција во одреден момент од својата кариера.
Ако пристапите кон процесот на барање работа со вистинска стратегија, можете да ги искористите вашите релевантни вештини и способности за да им покажете на работодавците дека сте вистинскиот кандидат за работата, без разлика на вашето искуство во областа на човечките ресурси.
Во оваа статија, ги опишуваме чекорите што можете да ги преземете за да добиете работа без многу искуство, за да ви помогнеме да станете посилен кандидат. Еве 5 чекори што можете да ги преземете за да стекнете нови квалификации, да ја подобрите целокупната апликација и да ги импресионирате работодавците.
Истакнете го вашето преносливо искуство
Ако ја менувате кариерата, можете да го искористите работното искуство што го имате за да го покажете вашиот потенцијал за успех во оваа нова улога. Најдобар начин да му пристапите на ова е да го врамите тоа работно искуство на начин што е порелевантен за она што сакате да го работите. Побарајте преносливи вештини што сте ги развиле во вашата претходна кариера или искуство и нагласете ги во вашата биографија.
На пример, ако моментално работите како келнер, а сакате да започнете кариера во човечки ресурси, имате многу преносливи вештини, вклучително и послужување гости, следење нарачки и одржување на вашиот работен простор чист и усогласен со здравствените и безбедносните протоколи. Дури и ако вашата моментална работа не е тесно поврзана со кариерата што ја сакате, неколку вештини или работни обврски веројатно ќе се преклопат.
Нагласете ги вашите „меки“ вештини
За поединци кои ја менуваат кариерата, вашите таканаречени меки вештини, речиси сигурно ќе бидат меѓу вашите најпреносливи вештини. Меките вештини вклучуваат работи кои не се специфични за одредена индустрија, но сепак се од суштинско значење за да се заврши добра работа. Тие вклучуваат работи како што се:
- Комуникациски вештини
- Организациски вештини
- Вештини за решавање проблеми
- Внимание на деталите
- Управување со времето
- Интерперсонални вештини
- Креативност
- Флексибилност
- Тимска работа
- Менаџирање
За оние кои воопшто немаат работно искуство, размислете за други начини на кои би можеле да ги негувате или да покажете некои од овие вештини. Искористете ги предностите на секое волонтерско искуство и воннаставни активности што ги имате за примери на овие вештини. Вклучете го тоа искуство во вашата биографија за да покажете меки вештини.
Направете мало истражување за вашата посакувана позиција за да дознаете кои меки вештини најмногу ги бараат од кандидатите за позицијата за која аплицирате. Обидете се да се фокусирате на примери и работно искуство кои ги покажуваат овие специфични вештини.
Искористете ги послабо платените или неплатените можности
Еден од начините да дојдете до кариерата што ја сакате е да започнете од почеток. Најдете почетна позиција или дури и пракса и изградете го вашето искуство од таму. Можеби нема да ви се исплати колку што би сакале, но ќе ви овозможи некое почетно работно искуство што можете да го ставите на вашата биографија.
Ако не можете да си дозволите работа со пониска плата или пракса, обидете се да најдете нешто со скратено работно време или доволно флексибилно за да ви овозможи да ги заработите потребните приходи од друга работа додека стекнувате искуство што ви треба за работата што ја сакате.
Бидете независни
За многу кариери, вклучително и работата во човечки ресурси, постои можност самостојно да ги претставите вашите ставови и проекти и со тоа да ја покажете вашата пасија и знаење за позицијата за која аплицирате. Ова значи дека во секое време може да прочитате нешто повеќе за одредена област или проблематика од областа на човечките ресурси и да напишете нешто за тоа на вашиот блог или веб страница. Потоа, ова може да ви биде од корист за да ја потврди вашата желба и пасија за вашата идна професија.
Пронајдете се себеси
Не секој пат во вашата кариера е права линија. Ако за доброто на вашата моментална работа можете да се вработите во компанијата во која сакате да работите, ова може да биде вашата отскочна даска. Откако ќе почнете да работите за нив, можете да почнете да планирате начини да продолжите кон новата кариера што сакате да ја започнете.
На пример, ако сакате да започнете кариера во човечки ресурси во некоја добра компанија, размислете да започнете таму на некоја друга позиција за која постојат поголеми шанси за да ја добиете работата, а потоа ќе добиете и шанса да се пренасочита во посакуваната област, односно позиција.
Доколку преземете содржина (статија или оглас) од 24HR задолжително наведете „Извор: 24HR“ на крајот на статијата со hyperlink кој ќе води од преземената содржина. Преземањето на интервјуа не е дозволено. Повеќе за условите за користење е наведено тука.
