Благодарение на најновото партнерство на Httpool со Spotify, брендовите во Македонија конечно ќе можат да им се обратат на љубителите на музиката.
Httpool додаде нова возбудлива платформа во своето портфолио и отсега е ексклузивен претставник на Spotify за огласување во Србија, Хрватска, Словенија, Македонија, Црна Гора, Албанија, Босна и Херцеговина и Косово. Како најпопуларна глобална музичка платформа Spotify нуди палета на иновативни решенија за огласување, преку кои брендовите можат да допрат до својата високо ангажирана публика од млади, влијателни луѓе и при тоа да го користат растечкиот тренд на слушање на аудио содржини преку интернет.
„Воведувањето на Spotify платформата на нашите пазари претставува дополнително задоволство за нашите корисници. Како што се менуваат навиките на потрошувачите, брендовите треба да најдат соодветен начин да допрат до својата публика и да се поврзат со неа во вистинскиот момент. Звукот нуди лична поврзаност со брендот. Возбудени сме што токму Httpool го поврзува Spotify со огласувачите од сите големини, помагајќи им да го откријат, разберат и искористат целосниот потенцијал на аудио преносот“, рече Jане Бајалџиев, Управител на Httpool Македонија.
Покрај Македонија, локалниот тим на Httpool ќе поддржува и огласувачи во Албанија и Косово.
Spotify нуди различни рекламни формати, вклучувајќи аудио, видео и дисплеј, насекаде и во секој момент од денот. Со помош на “Spotify streaming intelligence” – уникатнен начин на обработка на податоци и увид заснован на однесувањето на корисниците на платформата – огласувачите можат да ги прилагодат своите огласни решенија и пораки во согласност со потребите на корисниците и нивниот начин на размислување во контекст на слушање на содржини.
„Httpool ни е одличен партнер низ цела Европа и уверени сме дека ќе продолжат да го зголемуваат влијанието на Spotify како водечка платформа за огласување и на Балканот“, изјави Рак Пател, Директор за продажба на Spotify за Обединетото Кралство, Европа, Средниот Исток и Африка.
Инаку, Httpool, како дел од IMS корпорацијата, ги претставува водечките платформи за дигитални медиуми во Европа и Азија. Го поддржува нивниот раст и ги подобрува деловните резултати на огласувачите на 30 пазари. Благодарение на иновативниот сет на технолошки решенија и перформанси, искусните тимови и обемното познавање на пазарот, Httpool им овозможува на огласувачите да се поврзат со својата публика на најефикасен и најефективен начин, постојано максимизирајќи го нивниот поврат на инвестиции. Заедно, IMS и Httpool ексклузивно претставуваат над 20 медиумски платформи во повеќе од 45 земји во светот.
Доколку преземете содржина (статија или оглас) од 24HR задолжително наведете „Извор: 24HR“ на крајот на статијата со hyperlink кој ќе води од преземената содржина. Преземањето на интервјуа не е дозволено. Повеќе за условите за користење е наведено тука.
