На 16-ти април 2025 година, во хотелот DoubleTree by Hilton во Скопје, се одржа Третата интернационална конференција за искуство на клиенти и вработени – CX & EX Conference ’25, во организација на Македонската асоцијација за искуство на клиенти и вработени (MACEX). Настанот ги обедини водечките професионалци од регионот и пошироко, со цел да се дискутира за тоа како човечкиот фактор станува стратешка вредност и клучна предност на успешните компании.
Под темата „Човечкото искуство – супермоќта што ја води иднината“, конференцијата понуди инспиративни говори и актуелни дискусии за улогата на лидерството, дигиталната трансформација, емоционалната интелигенција и развојот на компаниите кои ги ставаат клиентите и вработените во сржта на својата стратегија.
Меѓу панелистите беше и г-ѓа Бјанка Катру, Директорот на Oдделот за Човечки ресурси и Финансии и Генерален Менаџер на М Брокер, која зборуваше за новите улоги на лидерите, за тоа како се балансира технолошкиот напредок со човечкиот фактор, и за тоа како компаниите денес треба да го мерат вистинскиот успех.
Доколку преземете содржина (статија или оглас) од 24HR задолжително наведете „Извор: 24HR“ на крајот на статијата со hyperlink кој ќе води од преземената содржина. Преземањето на интервјуа не е дозволено. Повеќе за условите за користење е наведено тука.
