Инсајдерските информации за компаниите стануваат достапни за сите корисници!
Од неодамна, LinkedIn активираше нова бесплатна функционалност која на корисниците им овозможува да дознаат инсајдерски информации за компаниите.
Така на пример, во сегментот Insights кој се наоѓа на компанискиот профил, освен информација за бројот на вработени, ќе добиете и увид во трендот на вработувања во последните 6 месеци, просечното време на задржување на вработените во компанијата и сите тековни назначувања на лидерски / менаџерски позиции.
Во примерот за McDonald’s, можеме да забележиме дека компанијата вработила 40 лица на менаџерски позиции, бројот на вработени во последните 6 месеци е зголемен за 8%, а просечното време на задржување во компанијата е 2.9 години.
Сите овие информации се од големо значење како за работобарателите кои сакаат да го изберат најдоброто место за работа, така и за регрутерите и професионалците за човечки ресурси кои ќе добијат подобар увид за внатрешната состојба на компаниите.
Досега пристап до овие информации имаа само премиум корисниците на LinkedIn.
Доколку преземете содржина (статија или оглас) од 24HR задолжително наведете „Извор: 24HR“ на крајот на статијата со hyperlink кој ќе води од преземената содржина. Преземањето на интервјуа не е дозволено. Повеќе за условите за користење е наведено тука.
