Ден на кариера во Agile Pro Solutions

Присутните на APS денот на кариерата ќе добијат увид во американската бизнис култура, разновидноста на кариерните патеки и трендови на пазарот, како и запознавање со APS менаџментот од Македонија и Америка.

Agile Pro Solutions (APS MC) втора година по ред организира ден на кариера за дипломирани студенти и професионалци во продажба, администрација, логистика, online поддршка, регрутирање итн. Настанот ќе се одржи на 16-ти март во Скопје. Присутните на APS денот на кариерата ќе добијат увид во американската бизнис култура, разновидноста на кариерните патеки и трендови на пазарот, како и запознавање со APS менаџментот од Македонија и Америка.

„Нашиот прв ваков настан се одржа во 2020 година, истиот беше отскочна даска за  многу од нашите вработени кои денеска имаат успешна кариера во АПС . Сега ја продолжуваме стратегијата која полека ни прераснува и во традиција. Отворањето на вратите на нашата компанија, како и обезбедувањето на продлабочено искуство е составен дел од нашиот процес за привлекување и за задржување на таленти. На овој настан гледаме како на идеална платформа која, покрај нашите секојдневни активности, значително допринесува во пронаоѓањето и во придобивањето на талентирани кандидати. Квалитетот на човечките  ресурси во Македонија е на високо ниво, имаме образован и професионален кадар, тоа е и една од причините заради која имаме се повеќе партнери од САД кои сакаат да соработуваат со нас.  Во АПС нашиот најголем ресурс се нашите вработени и нашата организациска култура, секојдневно се стремиме да создадеме средина каде што луѓето ќе се чувствуваат ценети и наградени.  Верувам дека сите што бараат работа ке го препознаат тоа и ке гледаат на нас како место за развој на нивната кариера“ – вели г-а Катерина Митровска, менаџер за човечки ресурси во APS MC.

Сите детали за настанот и начинот на аплицирање можете да ги најдете на следниот линк APS-CAREER-DAY. Ве очекуваме!