Кога е добро време да побарате покачување на плата?

Барањето покачување на платата не е лесна задача. Вие поточно го прашувате вашиот шеф дали тој/таа мисли дека вредите и никој не сака да се соочи со чувствата на отфрлање доколку одговорот е не. Но, останува прашањето, зошто некои кои заслужуваат покачување не го добиваат? Бидејќи многу луѓе не се прашуваат дали е вистинско време да побараат покачување.

Еве пет знаци кога е добро време да побарате покачување.

1) Финансиска стабилност на вашата компанија

Ова треба да биде очигледно, но сепак ќе го спомнеме. Добро погледнете ја финансиската благосостојба на вашата компанија пред да побарате покачување.

Ако работите се добри, приходите се зголемени и целите се исполнуваат насекаде, тогаш не се двооумете. Имате многу подобра можност да го добиете она што го сакате ако сè друго си дојде на свое место. Но, од друга страна, ако компанијата отпушта луѓе, губи пари и пропаѓа, барањето за покачување на платата ќе изгледа премногу не совесно и нема да су се даде на важност.

2) Колегите веќе добиле покачување

Значи, ако сте потврдиле дека другите вработени бараат и добиваат покачување, а вие сте на нивно ниво или работите подолго и со повеќе обврски, тогаш тоа може да биде позитивен знак да побарате ваше покачување.

Единственото нешто што ќе ве предупредиме е кога ќе барате покачување да не се повикувате на покачувањата на другите вработени .Покачувањето треба да се однесува на вас, вашата работа и вашата потенцијална идна вредност за компанијата што ве прави исплатлива инвестиција.

3) Вашата компанија има огромен подем и низа колеми победи

Ако вашата компанија имаше огромна победа или, уште подобро, низа големи победи, тогаш можеби ќе треба да реагирате додека железото е жешко. И ако бевте дел и рабоевте во тие победи, тогаш сè уште подобро. Работевте напорно за да имате корист на компанијата и сосема е разумно да ја искористите таа добра волја во ваша корист.

4) Добивте сертификат за нови вештини или диплома за повисоко ниво

Дали поминавте курс за обука или завршивте некој степен погоре и добивте диплома што ве издвојува? Тогаш тоа е добра причина да се преземе акција.

Докажувањето дека сте непроценливи и незаменливи е можеби најдобриот начин да го заработите зголемување на платата. Колку повеќе можете да се издвоите, толку подобро. Значи, ако имате специјализирана обука или вештини што никој друг ги нема, или ако сте единствениот во вашиот оддел со напреден степен, тогаш сте во одлична позиција да побарате покачување.

Секогаш кога ќе можете да докажете дека имате врвни перформанси со специјализирани вештини што ве прават да се истакнувате во толпата, тоа е позитивно.

5) Имате други понуди за работа

Стравот од губење на вредни вработени од други компании е најголемата причина на компанијата да одобри покачувања.

Значи, ако чувствувате дека сте недоволно платени и дека сте ги тестирале водите и ви е понудена попрофитабилна позиција на друго место, тоа е вредна карта за играње. Но, играјте го мудро. Немојте да се фалите или да го наметнувате тоа. Истакнете ги вашите перформанси, оставете ги бројките да зборуваат сами за себе и едноставно дајте им до знаење дека ви е понудено нешто за повеќе пари.

Но, мора да бидете подготвени да заминете и никогаш не треба да блефирате. Ако не сте подготвени да си одите,не играјте со овој пример, бидејќи ќе создадете токсичен однос со управувањето и да добиете покачување во иднина ќе биде речиси невозможно.