За своите активности на полето на општествената одговорност, „Макпетрол“ доби признание од СОС Детско Село. Оваа организација ја награди компанијата и ја вброи меѓу најголемите донатори и поддржувачи за изминатата година.
Во 2023 „Макпетрол“ стана кум на куќата што го носи името „Верна“ и во која живеат деца со нивните згрижувачки родители. Компанијата донира средства со кои беше обезбедена потребната финансиска поддршка на згрижувачкото семејство.
Стратешкото партнерство меѓу „Макпетрол“ и СОС Детско Село е иницијатива која што е отпочната во рамки на самата компанија, од нејзините вработени.
Ова е редовна практика, односно голем број предлози за донации и за најразличен вид општествено одговорни активности пристигнуваат од луѓето што се дел од тимот на „Макпетрол“, без разлика на нивната работна позиција.
СОС Детско Село традиционално, секоја година, го организира овој настан на чија што церемонија се заблагодарува за солидарноста и за поддршката од корпоративните и од индивидуалните донатори.
Организацијата објави дека згрижува 180 деца, а нејзин дел се 86 згрижувачки семејства. Во 2023 година тие помогнале на повеќе од 700 деца, млади, родители и згрижувачи и обезбедиле 27 нови згрижувачки семејства.
Поддршката и овозможувањето развој на заедницата и понатаму ќе биде дел од активностите на „Макпетрол“. Општествената одговорност останува една од најзначајните стратешки цели на компанијата.
Доколку преземете содржина (статија или оглас) од 24HR задолжително наведете „Извор: 24HR“ на крајот на статијата со hyperlink кој ќе води од преземената содржина. Преземањето на интервјуа не е дозволено. Повеќе за условите за користење е наведено тука.
