.png)
Шест членови на скопскиот клуб „Макпетрол“ викендов ќе учествуваат на турнир од светската младинска карате премиер-лига што ќе се одржи во Пореч, Хрватска. На овој силен меѓународен собир, којшто почнува утре и ќе трае до втори јули, се пријавени 3.193 спортисти од 72 држави.
Претставниците на „Макпетрол“ долго се подготвуваа за ова натпреварување и отпатуваа за да ја проверат својата форма преку соочување со спортисти од целиот свет. Оваа младинска лига е највисоко рангирано првенство од Светската карате-федерација (WKF).
Следните членови на карате-клубот „Макпетрол“ отпатуваа за Пореч: Јована Мицовска (постара јуниорка, У21, -61 кг.), Викторија Јовановска (постара јуниорка, У21, -61 кг.), Стефан Стојановиќ (постар јуниор, У21, +84 кг.), Витомир Трајковски (постар јуниор, У21, -84 кг.), Димитар Лозановски (постар јуниор, У21, -75 кг.) и Данило Божовиќ (постар јуниор, У21, -84 кг.).
На овој натпревар спортистите ќе ги предводи тренерот Петар Заборски.
Доколку преземете содржина (статија или оглас) од 24HR задолжително наведете „Извор: 24HR“ на крајот на статијата со hyperlink кој ќе води од преземената содржина. Преземањето на интервјуа не е дозволено. Повеќе за условите за користење е наведено тука.
