.png)
Сопственикот на компанијата која стои зад најпознатиот облакодер во Дубаи, Бурџ Халифа, одлучи да ги отстрани сите титули во својата организација со цел градење на подобра компаниска култура.
Холдингот Emaar Properties кој има околу 6.600 вработени во вторникот објави дека ги елиминира сите титули на работни позиции во рамките на својата организација.
Основачот на компанијата, Мухамед Алабар, во својот е-маил до вработените вели „Емаар не е збир на талентирани индивидуи, туку тим со одличен споен талент“ и дека „за Емаар да продолжи успешно да работи, важно е секој вработен да чувствува дека може да придонесува“.
Визит-картичките на вработените веќе нема да содржат титули, туку само оддели во кои тие работат, а тоа ќе важи и за визит-картата на Алабар.
Според него, оваа промена е наменета да инспирира ставање фокус на таленти, а не на титули.
Во теорија, елиминирањето на хиерархиската структура може да доведе до создавање на култура на соработка, вели Брајан Робертсон, претприемач кој го измисли холакратскиот пристап.
Холакрација или напуштање на пирамидалната хиерархија беше испробано и во други компании, но без успех.
Zappos, компанијата во сопственост на Amazon во 2015 година се обиде да премине на холакрација, но тоа предизвика дури 14% од вработените да се повлечат. Истото го направи и Medium, онлајн платформата за објавување, но набрзо се повлече од целата таа идеја.
Доколку преземете содржина (статија или оглас) од 24HR задолжително наведете „Извор: 24HR“ на крајот на статијата со hyperlink кој ќе води од преземената содржина. Преземањето на интервјуа не е дозволено. Повеќе за условите за користење е наведено тука.
