Емоционалната интелигенција е производ на нивики кои треба да се негуваат

Емоционалната интелигенција е способност за идентификација и управување со сопствените емоции и емоциите на другите. Тоа е емпатија, убедување, набљудување и разбирање; тоа е способност да се мотивира тим, да се избегнат жешки политички теми и да се идентификуваат вистинските луѓе за вистинските улоги.

Што е поважно: IQ или емоционална интелигенција?

Тоа што ги разликува повеќето успешни луѓе од другите е всушност високата емоционална интелигенција (EI). Таа е многу поважна за нашиот успех од когнитивната интелигенција, особено сега во време на AI, каде единствената работа што не може да се копира или замени со роботи е упрарвувањето со луѓе, сочувството, грижата и „читањето“ на човечките емоции.

EI вклучува препознавање, разбирање и управување со сопствените емоции кои ни помагаат да ги препознаеме, разбереме и влијаеме на емоциите на другите. Тоа значи да се биде свесен дека вашите емоции можат да влијаат врз другите на негативен или позитивен начин и да разберете како да управувате со тие емоции под стрес и притисок.

Постојат 5 елементи на емоционалната интелигенција:

• Самосвесност.
• Саморегулација.
• Мотивација.
• Емпатија.
• Социјални вештини.

Па, дали ги користите вашите емоционални информации за да го обликувате вашето размислување и однесување?

Неколку знаци кои можат да ви помогнат да одговорите дали имате добра EI се:

• Имате робустен емотивен речник.
• Љубопитни сте за луѓе.
• Ја сакате промената.
• Свесни сте за вашите јаки и слаби страни.
• Добро може да процените карактер.
• Тешко може да се навредите.
• Знаете да кажете не (на себеси и на другите).
• Ги оставате грешките зад себе.

Дури и ако добро ја користите EI, одржувањето на емоционалната интелигенција значи да имате добар животен баланс и тоа вклучува постојано самостојно учење и личен развој како начин на живот, а не само еднократен проект. Тоа е навика која треба да се негува.

Како да бидете повеќе свесни и да ја подобрите вашата емоционална интелигенција

1. Поставете си ги прашањата за зголемување на самосвеста (покрај психолошките тестови):

Кои се моите слабости?

Како моето моментално расположение влијае на моите мисли и донесување на одлуки?

Што се случува под површината што влијае на она што другите го кажуваат или прават?

2. Размислете за вашите емоции
3. Прашајте ги другите за перспектива
4. Бидете набљудувач (на вашите сопствени емоции)
5. Правете пауза
6. Истражете го „зошто“
7. Не се навредувајте кога некој ве критикува
8. Наместо тоа, прашајте: Што можам да научам?
9. Вежбајте, вежбајте, вежбајте

Одлични практични работи што помагаат за негување на емоционалната интелигенција

Промисленоста е едно од решенијата. Можеме да ја користиме промисленоста за градење и одржување на нашата емоционална интелигенција преку подобрена самосвесност и саморегулација. Медитацијата и ценењето на промисленоста се покажа дека прават чуда кога станува збор за елиминирање на стресот кога се соочуваме со напнати ситуации.

Водете дневник за вашите дневни активности и соништа и забележувајте која емоција е активирана во вашето секојдневие и за време на сонот. Поставете си прашања и разберете како околината влијае врз вашите чувства.

Заклучок

1. Набљудувајте како реагирате на другите, вложете напор да се ставите во чевлите на другите луѓе и посветете се да бидете поотворени и да ги прифаќате гледиштата и потребите на другите;
2. Разгледајте ја вашата работна околина и однесувањето на работа. Ако барате внимание за вашите достигнување, обидете се да вежбате понизност;
3. Вклучете се во самоевалуација за да ги идентификувате слабостите и да добиете искрена слика за себе;
4. Испитајте како реагирате на стресните ситуации и работете на тоа да останете мирни, прибрани и под контрола;
5. Прифатете одговорност за вашите постапки – ова вклучува соочување со вашите грешки, извиување и обид да ги поправите работите;
6. Испитајте како вашите постапки ќе влијаат врз другите пред да ги преземете овие постапки и ставете се себеси во туѓи чевли за да ги разберете последиците од тие постапки.

10 дополнителни совети за емоционална интелигенција

1. Усовршување на познавањето на „јазикот на емоциите“ или учење како да се идентификуваат, разликуваат и комуницираат различните, но поврзани емоции;
2. Именување на вашите емоции (ова значи не само нивно идентификување и препознавање, туку буквално и именување или етикетирање на истите);
3. Користење на трето лице за да се оддалечиме од нашите емоции – но без да се обидеме да ги одречеме или истуркаме;
4. Набљудување на нашите сопствени емоции без да се обидеме да ги поправиме. Не постојат лоши емоции, затоа е важно да ги препознаеме и прифатиме нашите емоции;
5. Почувствувајте ги вашите емоции во вашето физичко тело, без оглед на тоа дали се работи за испотени дланки, напнати мускули, биење на срцето итн. Важно е да ги почувствуваме нашите емоции за подобро да ги разбереме и регулираме;
6. Срушете го митот за „лоши“ емоции. Нема лоши емоции и затоа не треба да потиснеме или да се бориме со ниту една од нив;
7. Забележете го создавањето на емоции пред да се „активираме“. Ова значи дека треба да обрнеме внимание на дополнителните придонесувачи на нашите големи емоции пред да станат навистина големи емоции;
8. Препознавање на повторувачки обрасци. Ова може да се случи во ваква форма: „Кога [стимулот се случува], јас [типична реакција]“. На пример, може да кажете: „Кога ќе се налутам, се повлекувам“;
9. Запишувајте ги своите чувства во текот на денот. Водењето двеник е одлична идеја од многу причини, а ова е само една од нив;
10. Потсетете се дека емоциите се податоци. Ова значи дека емоциите се всушност вредни податоци кои можат да ви помогнат да ја пронајдете вистината и да донесувате подобри одлуки (Фридман, 2018).

Како што може да забележите, многу од овие совети и стратегии се сведуваат на неколку едноставни, но нималку лесни идеи:

Обрнете внимание на вашите сопствени чувства, обидете се да останете објективни и да ги прифаќате истите и размислете како вашите постапки влијаат врз другите.

Дополнителни активности што можат да ви помогнат во подобрувањето на вашата EI се:

Книги:

• Working with Emotional Intelligence – Daniel Goleman
• The power of Emotional Intelligence – Daniel Goleman
• Go suck a Lemon – Michael Cornwall
• Inner Engineering – Sadhguru
• Subtle Art of Not Giving a f.ck – Mark Manson

Филмови/Видеа:

• The next karate kid – Mr. Miyagi (4 делови)
• Animated Movies for Children: Up, Inside Out, Dambo, Wall-e
• Anger Management (2003)
• La Vita e Bella (1997)
• Mirror has two faces (1996)
• Think Fast, Talk Smart: Communication Techniques (YouTube)
• Simon Sinek (YouTube)
• Gary Vaynerchuk (YouTube)

За авторот:

Моника Ризовска има докажано искуство во менаџирање со луѓе во маркетинг, продажба и човечки ресурси во Seavus, Endava и Cosmic Development. Дел е од бордот на Women in Tech како Амбасадор за Македонија и е назначена за една од двете најинспиративни успешни жени во UN Women за Југоисточна Европа. Има над 15 год. искуство во невладини и студентски организации, и над 12 години искуство како говорник на теми поврзани со справување со криза, промени во култура, иновација, менаџмент, комуникација, маркетинг и технологија како ментор и судија на 54 интернационални настани, хакатони, работилници и конференции во ИТ и стартап индустријата. Ко-основач е на Ways2help, организација за помош на лица и загрозени семејства и Основач на Webond – организација за вмрежување и помош за раст на стартапи.