Лажливите, манипулативни и просечно расположени соработници може да направат да завладее вистински хаос на работното место.
Манипулативноста се дефинира како обид од страна на една личност да контролира ситуација или друга личност со одржување на лажен наратив за грижа и добри намери со цел да постигне некоја своја цел. На работното место, оваа појава најчесто се поврзува со скриените агенди на одделни вработени.
Најчестите значи за манипулатор на работното место се: површен шарм, вербално заплашување спакувано како совет и пренатрупување со работни задачи и обврски кое се прави да изгледа како услуга.
Пасивно-агресивно однесување е уште една форма на манипулативност. Потоа следат недоволните информации, ширењето на гласини и озборувања.
Манипулаторот е способен да ви ласка за да ја добие вашата доверба и честопати може да ви одглуми дека е личност на којја најмногу може да се потпрете. Искусните манипулатори знаат каде напаѓаат барајќи ранливи луѓе кои ќе дејствуваат во нивна корист.
Нивниот мотив е желбата за напредок, унапредување, покачување на платата, повеќе моќ или едноставно за уживање додека го прават тоа.
Таквите луѓе можат да бидат доста токсични за работната средина, а најголем недостаток може да биде губење на талентирани вработени поради несанцкионирање на таквото однесување. Понатаму, тие постојано ги подготвуваат останатите луѓе за неуспех, што влијае на продуктивноста на работната сила, и можат да го уништат целиот бизнис на долг рок создавајќи култура на недоверба и неефикасност.
Па, како да се справиме со манипулатор?
Првиот чекор е да се признае дека постои суптилна манипулација. Вашата најдобра стратегија е свесно да препознаете што се случува и да не го негирате тоа. Следниот чекор е да се вратите наназад. Ова значи собирање докази дека и другите вработени го чувствуваат истото. Разговарајте со вработените наоколу и соберете докази за случувањата во вашата компанија.
Споделувањето на информации со манипулативното лице сведете го на минимум. Не ја продавајте вашата доверба толку лесно. Секогаш проверувајте ги информациите пред да ги земете здраво за готово.
Ако сте одговорни за тим, заземете цврст став и не дозволувајте манипулативната личност да го наруши вашиот авторитет.
Секогаш бидете професионални. Не му давајте на манипулаторот никаква муниција што ќе ја користи против вас.
Документирајте сè. Чувајте докази за сите официјални интеракции.
Имајте отворен ум. Пред да заземете страна, потребно е да имате целосно сознание за сериозноста на ситуацијата, вклучените личности и соодветно да ја смирите ситуацијата.
Создадете јасна структура и комуницирајте ги правилата. Колку помалку сиви области има, толку е помала веројатноста вработените да манипулираат меѓусебно.
Препознајте манипулативно однесување и обидете се да го отстраните веднаш. Секогаш одговарајте на рационален, фер и разумен начин. Овие активности ќе го минимизираат манипулативното однесување на работното место и ќе ги уверат вработените дека секое лошо однесување ќе биде соодветно санкционирано.
Доколку преземете содржина (статија или оглас) од 24HR задолжително наведете „Извор: 24HR“ на крајот на статијата со hyperlink кој ќе води од преземената содржина. Преземањето на интервјуа не е дозволено. Повеќе за условите за користење е наведено тука.
