Во современото деловно опкружување, успехот на една организација зависи од нејзината способност да ги препознае, развие и задржи талентираните поединци. Токму затоа ја креиравме „Accelerate – NLB Talent Program“ – развојна програма посветена на вработените кои се истакнуваат со своите професионални квалитети, резултати и лидерски потенцијал.
Програмата се реализира во партнерство со реномирани компании за развој на менаџмент и лидерство, што овозможува висок квалитет на содржината и пристап заснован на најнови практики и академски истражувања.
„Accelerate – NLB Talent Program“ е наменета за оние вработени кои поседуваат потенцијал за раст и развој, покажуваат високи перформанси, подготвеност да преземат поголема одговорност, да инспирираат тимови и да придонесат кон долгорочната стратегија на НЛБ Банка.
Оваа, внимателно дизајнирана програма содржи низа на активности вклучувајќи проценка на компетенциите, креирање на индивидуални планови за развој, спроведување на различни развојни активности, како учество во проекти, персонализирани обуки, менторство, коучинг, job shadowing и други иницијативи што ги зајакнуваат вештините и придонесуваат кон континуиран напредок.
Една од првите активности на програмата е обука структуирана низ шест различни модули, при што секој модул е фокусиран на посебна, но меѓусебно поврзана тема од областа на лидерство и водење на луѓе. Преку овие модули, учесниците ќе стекнат:
- Продлабочено разбирање на современите лидерски концепти и стилови
- Вештини за ефикасна комуникација, мотивација и градење на доверба во тимот
- Алатки за управување со промени и креирање на иновативни решенија
- Способност за стратешко размислување и донесување одлуки во сложени ситуации
- Самосвест и емоционална интелигенција во водењето на тимови
- Практични искуства преку студии на случај, симулации и групна работа
Секој модул вклучува теоретски предавања, интерактивни сесии и практична примена на наученото, што овозможува непосреден пренос на знаењата во реалната работна средина.
„Accelerate – NLB Talent Program“ не е само едукативна програма – тоа е искуство што води кон личен професионален развој. Преку индивидуализиран пристап учесниците ќе добијат поддршка за развој на сопствениот лидерски стил и ќе бидат подготвени да преземат повисоки улоги и предизвици.
Од друга страна, НЛБ Банка добива тим од подготвени и мотивирани лидери кои ќе бидат двигатели на позитивни промени, подобра организациска култура и одржлив раст и развој.
Целта на „Accelerate – NLB Talent Program“ е да создаде генерација на лидери кои ќе придонесат кон долгорочниот раст и успех на банката. Тоа не е само програма – туку стратегиско инвестирање во луѓето кои ја градат нашата иднина. „Accelerate – NLB Talent Program“ е инвестиција во луѓето кои ја движат организацијата напред. Преку оваа програма, градиме генерација на лидери кои не само што ќе управуваат со тимови, туку ќе создаваат визија, ќе инспирираат и ќе градат заеднички успех.
Доколку преземете содржина (статија или оглас) од 24HR задолжително наведете „Извор: 24HR“ на крајот на статијата со hyperlink кој ќе води од преземената содржина. Преземањето на интервјуа не е дозволено. Повеќе за условите за користење е наведено тука.
