Кога сте пренатрупани со работни обврски или сте под стрес, вашата способност да го задржите фокусот се намалува. Овој план од четири точки ќе ви помогне да го вратите.
Пристигнувате на работа подготвени да се нурнете во новиот предизвик што ќе го донесе новата работна недела. И во тој момент, белиот шум од секоја грижа што ја имате започнува да се слуша во вашиот мозок.
Ако во моментов имате проблем да се фокусирате, знајте дека не сте сами. Индексот на ментално здравје на американската компанија Total Brain неодамна покажа дека способноста на вработените да се фокусираат и да ги извршуваат своите работни задачи во август е намалена за 31%, во споредба со нивото пред пандемијата. Тоа е сосема оправдано, со оглед на тоа што луѓето по природа не сакаат да живеат во пролонгирана состојба на непредвидливост.
Но, изговорот „ние сме во пандемија и не можам да се фокусирам“ нема да ви помогне кога имате некој краток рок или вашиот тим смета на вас. За среќа, овој пристап од четири точки може да ви помогне да се вратите во игра.
Преземете контрола
Кога сте изложени на грижи, физиолошкиот одговор на вашето тело може да го попречи вашиот фокус. Кога сме под стрес, нашите тела го испумпуваат стрес хормонот кортизол. Според Луис Гагон, извршен директор на Total Brain, „Под хроничен стрес, високото ниво на кортизол на подолг временски период ги попречува клучните функции на мозокот, срцето и дигестивниот систем. Стресот му пречи на нашиот мозок и ја намалува когнитивната способност за да ги поставиме работите во перспектива, да создаваме и да соработуваме“.
Тоа значи дека е неопходно да го контролирате изворот на стресот и да се справите со него. Прво, започнете со работите што можете да ги контролирате, вели животниот коуч и поранешен истражувач по психологија Брук Смит. Ако сте вознемирани од тоа што му се случува на светот, ограничете го примањето на информации. Ако сте загрижени, повредени или лути, обидете се да ја преформулирате ситуацијата за да видите дали можете да пронајдете некоја лекција или можност. Во случај да постојат надворешни фактори што не можете да ги контролирате, Смит предлага да се обидете да ги прилагодите, барем привремено, за да го смирите вашето тело и да направите простор во вашиот мозок.
Менаџирајте го вашиот товар
Следно, направете преглед на она што навистина мора да го завршите. Понекогаш сме жртви на сопствената неспособност да кажеме не, или на нашиот ентузијазам за тоа што го преземаме“, вели психијатарот Едвард „Нед“ Хелоувел. Тој советува практикување на CDE или скрати, делегирај, елиминирај. Поминете низ списокот со задачи, немилосрдно елиминирајте го она што не треба да се прави и делегирајте го тоа што можете. Од останатите работи, дефинирајте го обемот на она што можете и што ќе го направите. „Голем дел од токсичниот стрес има врска со чувството на преоптоварување“, вели Хелоувел.
Организирањето на вашата околина и задачи исто така може да ви даде чувство на контрола и да ви помогне да започнете да се враќате во зоната на фокусот, вели Луси Јо Паладино, автор на книгата „Најди ја својата зона на фокусот“. Откако ќе ги намалите задачите и ќе почнете со работа, одберете неколку „лесни победи“ што може да ги завршите за 5 или 10 минути. На тој начин, ќе добиете малку допамин со завршувањето на работните задачи. „Секој пат кога ќе постигнете нешто, добивате и малку тинејџерски поттик, што ве тера да сакате да го сторите тоа уште повеќе“, вели таа.
Водете грижа за себе
Основната грижа и одржување на вашето тело ќе ви помогне да одржите подобар фокус, вели Хелоувел, истакнувајќи дека не можете да го исцрпите или лишите вашето тело од нештата кои му се потребни, а потоа да очекувате да се фокусира. Затоа, почесто пијте вода, редовно јадете и не останувајте будни до доцна.
Таа грижа се однесува и на вашата околина, како и на луѓето околу вас. Хелоувел зборува за „ослободување од пијавици и култивирање на лилјани“. Пијавици се луѓе или проекти кои ви одземаат време и енергија што би можеле да ги посветите на некои други поплодни потфати. Од друга страна, лилјаните се врски и потфати што ви носат радост и ве одржуваат. „Поминете го вашето време со луѓе или проекти кои вредат, дури и ако се многу тешки“, вели тој. Тоа ќе го намали лошиот стрес и ќе стимулира „добар“ стрес.
Лилјаните исто така ќе ви помогнат да создадете врски кои ќе ви послужат како поддршка во време на стрес или грижа. „Никогаш немојте да се грижите сами“, советува Хелоувел. Барањето помош не само што може да направи да се чувствувате подобро, туку и во зависност од тоа на кого му се обраќате, побрзо може да дојдете до решение.
Спознајте се себеси
Важно е да ги научите и заштитите оние периоди од денот кога вашата енергија – и способност да се фокусирате – е најголема. „За многу луѓе, тоа е нивното утро. Јас тоа го нарекувам утрински рафал“, вели Хелоувел. „Не го отворајте вашиот мејл сè додека на дојде тоа утро – пред да го имате вистинскиот час за работа. Ако најдобри во оди навечер, тогаш заштитете го тоа“.
За некои луѓе, медитацијата е клучот за враќање на фокусот. За другите, излегувањето надвор или трчање може да заврши работа. Некои претпочитаат топла шолја кафе бидејќи кофеинот може да биде одлично краткорочно решение за враќање на фокусот.
Заклучокот, како што вели животниот коуч Смит, е дека вие најдобро се познавате себеси и постапките и советите кои ви одговараат подобро од кој било друг. Кога имате проблем да останете фокусирани, направете брзо скенирање на телото за да откриете каде го чувствувате вашиот стрес. Само одвојте неколку минути за дишење и создадете чувство на смиреност, што исто така може да ви помогне да одредите што е тоа што најмногу ви треба во моментот.
Доколку преземете содржина (статија или оглас) од 24HR задолжително наведете „Извор: 24HR“ на крајот на статијата со hyperlink кој ќе води од преземената содржина. Преземањето на интервјуа не е дозволено. Повеќе за условите за користење е наведено тука.
