HR маркетингот станува суштински елемент за добро управување со човечките ресурси

Ако работите во човечки ресурси, веројатно сте почнале да слушате за терминот HR маркетинг. Но, што значи тоа? И како можете да го имплементирате во вашиот процес на регрутација? Продолжете со читање за да дознаете за значењето на маркетингот во човечките ресурси и неговите најважни компоненти.

Во текот на изминатите неколку години, HR-от полека започна да се преклопува со маркетингот. Многу одделенија за човечки ресурси постигнаа успех со користење на алатки и стратегии кои се користат во маркетингот, создавајќи нова дисциплина наречена маркетинг за човечки ресурси.

HR маркетинг или маркетингот за човечки ресурси има за цел да создаде моќно и позитивно искуство на кандидатите. Ова се постигнува преку комбинација на содржина која е специфична за целната група (содржина за брендирање на работодавачот) и маркетинг стратегија за регрутација.

Овие две компоненти им овозможуваат на компаниите да градат и одржуваат односи со нивните кандидати, а со овој метод компаниите можат да допрат активните, но и пасивните кандидати и да ги „натоварат“ со позитивни вибрации во врска со нивната компанија. Секако, крајната цел е да се зглеми досегот на компанијата во рамките на посакуваната целна група.

Маркетингот за човечки ресурси се состои од четири важни компоненти:

Содржина

Како се перцепцира вашиот бренд на работодавач денес? Дајте им на вашите потенцијални кандидати автентичен увид во вашата компанија преку создавање на содржина која се заснова на интересите и барањата на вашата целна група и креирајте перцепција во главата на вашата целна група како атрактивен работодавач. Ова ќе го постигнете преку пласирање на вистинската содржина до вашата целна група.

Лидови

Која е веројатноста квалификуван кандидат кој воопшто не ја познава вашата компанија едноставно да аплицира на вашата веб страница за вработување? Шансите за тоа се многу мали. Веројатно знаете и сте имале искуство кога за некои позиции квалификувани кандидати едноставно е тешко да се пронајдат. Затоа, потпрете се на вашите извори за вработување, страницата за кариера и другите настани и собирајте контакти од потенцијални кандидати. Важно е веднаш да воспоставите врска со кандидатите со цел да можете да регрутирате брзо и лесно од вашиот сопствен „базен“ на таленти.

Канали

Активните и пасивните кандидати доаѓаат во контакт со вашата компанија преку различни канали и платформи. Благодарение на HR маркетингот, вие ги избирате каналите кои најдобро одговараат на вашата целна група. Затоа, компаниите мора да ги споредат различните канали и да оценат што е тоа што најмногу одговара на нивната целна група. Крајната цел е да се допре до вистинската целна група и да се убеди истата зошто таа компапнија е вистинското место за нивната кариера.

Аналитика

Аналитиката игра важна улога во разбирањето како маркетингот за човечки ресурси влијае на подобрување на квантитетот и квалитетот на апликации кои една компанија ќе ги добие на огласите за вработување. Само со соодветна аналитика и алатки за следење на резултати ќе добиете целосно сознание од каде доаѓаат вашите кандидати. Аналитиката, исто така, ќе ви покаже каде се губат вашите кандидати, а тоа ќе ви даде нови сознанија за тоа како да го подобрите кандидатското искуство. Исто така, ќе научите како да го намалите процентот на откажување и да го подобрите процентот на конверзија.

Останаете на 24HR бидејќи во продолжение следуваат нови статии поврзани со маркетингот за човечки ресурси.