.png)
Ова ќе важи без оглед на моделот на работа што компанијата ќе го избере!
Canva успеа да го редефинира зборот „флексибилен“ во својот најнов модел на работа. Платформата за графички дизајн, како што објави Business Insider Australia, активно работи на нов модел на работа каде што работниот распоред го одредува независен тим.
Неговата примена на вработените ќе им даде поголема контрола врз бројот на денови што тие ќе ги поминуваат во канцеларија.
Со ова, Canva се сели во зона со помалку „строги барања“ кога станува збор за физичката и далечинската работа. Отсега, фокусот на компанијата е во поголема „флексибилност и поврзаност„ за и со вработените.
„Убедени сме дека традиционалните работни места се исклучок кога станува збор за иднината на работата“, велат од Canva.
Од компанијата велат дека пандемијата „ја поби идејата дека соработката е најдобра на само еден начин или на едно место“.
За да ја компензираат слободата на работа, вработените ќе треба да застанат во „најблискиот Canvа хаб“ најмалку осум пати годишно.
Canva исто така ќе им понуди на вработените и дополнителни продобивки, како што е „среда без состаноци“ и слично.
Доколку преземете содржина (статија или оглас) од 24HR задолжително наведете „Извор: 24HR“ на крајот на статијата со hyperlink кој ќе води од преземената содржина. Преземањето на интервјуа не е дозволено. Повеќе за условите за користење е наведено тука.
